TEXNIKALAR OʻRIM-YIGʻIM MAVSUMIGA ShAY

Oʻzbekiston Respublikasi Prezidentining 2016-yil 12-maydagi "Kuzgi boshoqli don ekinlarini oʻrib-yigʻib olishning tashkiliy chora tadbirlari” toʻgʻrisidagi qarori ijrosini taʼminlash maqsadida tumanimizda ham qator ishlar amalga oshirilmoqda.

Gʻalla oʻrim-yigʻimi mavsumiga tayyorgarlikning borishi boʻyicha oʻtkazilgan seminarda taʼkidlanganidek, Prezidentimizning yuqoridagi qarori asosida tuman hokimning tegishli qarori qabul qilingan va chora-tadbirlar dasturi ishlab chiqilgan. Tumanda 2016-yil hosili uchun 311 ta fermer xoʻjaliklarining jami 3000 gektar maydonida gʻalla ekilgan boʻlib, davlatimiz xirmoniga 5530 tonna, shundan 700 tonna urugʻlik don va 4830 tonna tovar don yetkazib berish boʻyicha shartnomalar tuzilgan.

Joriy yilgi mavsumda oziq ovqat xavfsizligini taʼminlash uchun tuman boʻyicha oʻrtacha yalpi don ishlab chikarishni 38 tsentnerga yetkazish rejalashtirilmoqda. Buning uchun esa gʻalla tarbiyasida amalga oshiriladigan agrotexnik tadbirlarni vaqtida bajarishning barcha choralari koʻrildi. Jumladan, tumandagi fermer xoʻjaliklariga 805 mln soʻm imtiyozli kredit mablagʻlari ajratildi. Tumanda 2016-yil hosili uchun ekilgan gʻalla hosilini nes nobud qilmasdan uyushqoqlik bilan oʻrib-yigʻib olishni tashkil qilish uchun zarur boʻladigan texnikalar mulkchilik shaklidan qaʼtiy nazar texnik koʻrikdan oʻtkazildi.

Gʻalla oʻrim-yigʻim ishlarini qiska muddatda yakunlash uchun 6 ta oʻrim otryadlari tuzildi. Bu otryadlarga 16 ta oʻrim kombayinlari, 2 ta Klass Mega, 14 ta Klass Dominator kombayinlari biriktirildi. Oʻrim-yigʻim mavsumida jami 100 nafar maʼsulllar, jumladan 30 nafar ichki ishlar boʻlimi xodimlari, 6 nafar bank xodimlari, 32 nafar kombayinchilar qatnashadi. Kasb-hunar kollejlarida tegishli mutaxassisliklar boʻyicha taʼlim olayotgan 32 nafar oʻquvchilar ham amaliyotga jalb qilinadi. Shuningdek, mavsum ishlarida 25 nafar yuk avtomashinalari, 54 nafar transport traktorchilari haydovchilari qatnashadi. Oʻrilgan donni tashish uchun 108 ta tirkamalar hamda dala boshida texnik nosozliklarni bartaraf qilish uchun 6 ta koʻchma taʼmirlash ustaxonalari xizmatlaridan foydalaniladi.

Eng muhimi, yetishtirilgan donni oʻz vaqtida va uzluksiz qabul qilib olish uchun "Mangʻit don” filiali omborxonasida barcha choralar koʻrilgan boʻlib, don qabul qilish omborxonalari zararkunandalalarga qarshi dorilangan, tarozi va laboratoriya uskunalari Davlat standartdan oʻtkazilgan. Bir soʻz bilan aytganda, joriy yilgi mavsumga puxta tayyorgarlik koʻrilib, rizq-roʻzimiz boʻlmish gʻallani nes-nobud qilmasdan yigʻishtirib olishning barcha choralari koʻrildi.

Gʻ.Yeshniyozov