SEKTOPLAP FAOLIYaTI: ASOSIY MAQSAD – XALQ POZILIGI

Mavzuga oid video: Amudaryo tumanidagi 4 ta sektor qanday faoliyat yuritmoqda

Mavzuga oid fotogalereya: Amudaryo tumani hokimi rahbarligidagi 1-sektor faoliyati

Prezidentimizning 2017-yil 8-avgustdagi “Hududlarning jadal ijtimoiy-iqtisodiy rivojlanishini taʼminlashga doir ustuvor chora-tadbirlar toʻgʻrisida”gi Qarorining ijrosini taʼminlash maqsadida tuman hududi toʻrtta sektorga boʻlinib, sektorlar ishchi guruhlari faol ish olib bormoqda.

Tuman hokimi S.Yoʻldashev rahbarlik qilayotgan 1-sektor hududi 4 ta ovul va 8 ta mahallani qamrab olgan. Sektor hududida jami 8462 ta xonadonda 51 ming 195 nafar fuqaro istiqomat qiladi.

Oʻtgan yili sektor hududi boʻyicha 300 ta xonadon egalariga jami 2 mlrd. 151 mln. 200 ming soʻmlik kredit mablagʻlari berilgan edi. Shuningdek, kam taʼminlangan oilalarni qoʻllab-quvvatlash maqsadida 23 ta oilaga jami 126,1 mln. soʻm miqdorida kreditlar ajratildi. Sektor hududida yashovchi 38 nafar imkoniyati cheklanganlarga reabilitatsiya texnik vositalari topshirildi.

Sektor hududida ijtimoiy-iqtisodiy rivojlantirish Davlat dasturi doirasida sanoat, xizmat koʻrsatish va qishloq xoʻjaligi sohalari boʻyicha umumiy qiymati 8 mlrd. 487 mln. soʻmlik 58 ta loyiha amalga oshirilib, 216 ta yangi ish oʻrinlari yaratildi.

Tuman hokimi rahbarligida sektor aʼzolari xonadonma-xonadon yurib, odamlar bilan muloqot qilmoqda. Aksariyat muammolar oʻz vaqtida, joyida hal etilmoqda.

Aholi tomonidan bildirilgan takliflar eʼtiborga olinib, ularning dardu-tashvishi tinglanmoqda. Fuqarolarning muammolari oʻrganilib, ularni yechish uchun tegishli tashkilotlar bilan zarur choralar belgilab olinmoqda.

Sektor rahbari hamda ishchi guruhi aʼzolarining hudud aholisiga ishonchli maslakdosh, muammolarini ijobiy hal qilishda yaqin koʻmakchiga aylanganidan barcha xursand. Bu xalqimizning davlatimizdan roziligi, ertangi kunga ishonchini yanada mustahkamlamoqda.

O.XUDOYBEPGANOVA.