Xalq deputatlari Amudaryo tuman Kengashining qirq uchinchi sessiyasi toʻgʻrisida AXBOPOT

2018-yil 16-yanvar kuni Xalq deputatlari Amudaryo tuman Kengashining qirq uchinchi sessiyasi boʻlib oʻtdi.

Sessiyada tuman hokimi oʻrinbosarlari, hokimlik masʼul xodimlari, huquqni muhofaza qilish organlari, hokimlik boʻlimlari, jamoat tashkilotlari, fuqarolarning oʻzini oʻzi boshqarish organlari raislari hamda ommaviy axborot vositalari vakillari ishtirok etdi.

Sessiya kun tartibida “2017-2021-yillarda Oʻzbekiston Pespublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol tadbirkorlik, innovatsion gʻoyalar va texnologiyalarni qoʻllab-quvvatlash yili”da amalga oshirishga doir Davlat dasturi loyihasi toʻgʻrisida”gi hamda “Oʻzbekiston Pespublikasining “Innovatsion faoliyat toʻgʻrisida”gi va “Fan toʻgʻrisida”gi Qonunlari loyihalari toʻgʻrisida”gi masalalar muhokama qilindi.

Kun tartibidagi 1-masala yuzasidan tuman hokimi S.Yoʻldashev soʻzga chiqib, 2017-2021-yillarda Oʻzbekiston Pespublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol tadbirkorlik, innovatsion gʻoyalar va texnologiyalarni qoʻllab-quvvatlash yili”da amalga oshirishga doir Davlat dasturi loyihasi umumxalq muhokamasiga qoʻyilganligini, shunga asosan keng jamoatchilik, barcha davlat organlari, nodavlat-notijorat tashkilotlari, aholining barcha qatlamlari tomonidan dastur loyihasi muhokama qilinayotganligini, bugungi sessiyada deputatlarning, muassasa, korxona, nodavlat-notijorat tashkilotlari rahbarlari va vakillari fikr-mulohazalari umumlashtirilib takliflar berilishi haqida aytib oʻtdi.

Sessiyada tuman Kengashi deputatlari soʻzga chiqib, oʻtgan yili Prezident Farmoniga muvofiq Oʻzbekiston Pespublikasi “Innovatsion rivojlanish vazirligini tashkil etish toʻgʻrisida”gi Farmoni eʼlon qilinganligini, zamonaviy sharoitlarda innovatsion faoliyatining yutuqlaridan keng foydalanish, jamiyat va davlat hayotining barcha sohalarini izchil va barqaror rivojlantirishga munosib kelajakni barpo etishning muhim omili boʻlib xizmat qilishini aytib oʻtdi. Deputatlar tomonidan tegishli qonunlarga takliflar bildirildi.

Kun tartibidagi navbatdagi masala boʻyicha tuman hokimi S.Yoʻldashev soʻzga chiqib, Oʻzbekiston Pespublikasi Innovatsion rivojlanish vazirligining 2018-yil 9-yanvardagi 03-14/32-sonli xatida, Oʻzbekiston Pespublikasi Prezidentining 2017-yil 29-noyabrdagi “Oʻzbekiston Pespublikasi innovatsion rivojlanish vazirligini tashkil etish toʻgʻrisida”gi PF-5264-sonli farmonining ijrosini taʼminlash hamda ilmiy va innovatsion faoliyatini davlat tomonidan tartibga solish printsiplari va qoʻllab-quvvatlash shakllarini, shuningdek, innovatsion gʻoyalar, ishlanmalar va texnologiyalardan foydalanish imkoniyatlarini kengaytirish maqsadida hamda farmonda innovatsiyalarni joriy etishning qonuniy asoslarini yaratish masalalariga alohida eʼtibor qaratilganligi munosabati bilan ilmiy va innovatsion faoliyatni davlat tomonidan tartibga solish printsiplari hamda qoʻllab-quvvatlash shakllarini, innovatsion gʻoyalar, ishlanmalar va texnologiyalardan foydalanish imkoniyatlarini kengaytirishni belgilovchi “Innovatsion faoliyat toʻgʻrisida”gi va “Fan toʻgʻrisida”gi qonunlar loyihalari ishlab chiqilganini taʼkidladi.

Sessiyada tuman Kengashi deputatlari “Innovatsion faoliyat toʻgʻrisida”gi va “Fan toʻgʻrisida”gi Oʻzbekiston Pespublikasi qonunlari loyihalari yuzasidan takliflar bildirdi.

Kun tartibidagi masalalar boʻyicha tegishli soha mutasaddilari, deputatlar soʻzga chiqib, oʻz fikr-mulohazalarini bildirdilar.

Bildirilgan taklif, fikr va mulohazalar inobatga olingan holda tuman Kengashining qarorlari qabul qilindi.

Shuning bilan sessiya oʻz ishini yakunladi.

Gʻ.Yeshniyozov