Amudaryoda hokim oʻrinbosarlari va rahbar kadrlar uchun seminar tashkil qilindi
Mahalliy ijroiya hokimiyatining quyi boʻgʻinlarida mamlakatimizning barcha sohalarida amalga oshirilayotgan islohotlarning samarali va tizimli ijrosini taʼminlash, aholining turmush darajasini va sifatini oshirishda bevosita tuman va shahar hokimi oʻrinbosarlarining kasbiy mahorati, masʼuliyati va javobgarligini oshirish boʻyicha belgilangan vazifalarni amalga oshirish maqsadida Respublikamiz hududidagi barcha tumanlarda oʻquv-seminar tashkil etilmoqda.
Tumanimizda ham 23-25-may kunlari tuman hokimi oʻrinbosarlari hamda ularning majmualariga tegishli davlat va jamoat tashkilotlari rahbarlari, hokimlik mutaxassislari uchun oʻquv-amaliy seminar oʻtkazildi. Uch kun davom etgan oʻquv-seminar mashgʻulotlarida ishtirokchilar 6 guruhga boʻlingan holda kasbiy mahoratini oshirdilar.
Oʻquv-seminar zarur jihozlar bilan taʼminlangan xonalarda belgilangan oʻquv-dastur asosida tumanning ijtimoiy-iqtisodiy rivojlantirish koʻoʻrsatkichlari, oʻziga xos xususiyatlari va muammolariga doir mavzular boʻyicha oʻtkazildi. Mavzularni tinglovchilarga yetkazishda interaktiv muloqot, savol-javob va keys-stadi, aqliy hujum, kichik guruhlarda ishlash va oʻyin usullaridan foydalanildi.
Tinglovchilar tomonidan berilgan takliflar va koʻtarilgan muammolardan kelib chiqib “Yoʻl xarita”lari va ish rejalari ishlab chiqildi. “Yoʻl xarita”sining ijro mexanizmlari va monitoringi ham eʼtibordan chetda qolmadi. “Yoʻl xarita”lari va ish rejalarining bajarilishini tizimli tashkillashtirish boʻyicha hokim oʻrinbosarlariga kunlik, haftalik, oylik “kalendar ish rejalari” tayyorlab berildi.
Oʻquv-seminar mashgʻulotlarini Toshkent Pediatriya tibbiyot instituti Nukus filiali va Qoraqalpoq Davlat universitetining mahoratli pedagog oʻqituvchilari olib bordilar. Mashgʻulotlar davomida barcha tinglovchilar zarur bilimlarni olib, amaliy koʻnikmalarga ega boʻldilar.
Oʻquv-seminar yakuniga bagʻishlangan tadbirda tuman hokimi S.Yoʻldashev ishtirok etdi va pedagog-oʻqituvchilarga oʻz minnatdorchiligini bildirib, hokimlik tomonidan tayyorlangan diplomlarni topshirdi.
O.XUDOYBERGANOVA
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
