OʻQITUVChILARNING ANʼANAVIY AVGUST KENGAShI BOʻLIB OʻTDI
Yosh avlodga taʼlim-tarbiya berishdek muqaddas va masʼuliyatli kasb egalari uchun hayajonli va intiq kutilgan daqiqalar yaqin. Yoz boʻyi huvillab yotgan maktablar yana oʻquvchi-yoshlarni oʻz bagʻriga chorlamoqda. Hademay yangi oʻquv yili boshlanadi.
Xalq taʼlimi tizimi xodimlari har yili yangi oʻquv yili boshlanishi oldidan kengashib, oʻtgan oʻquv yilidagi erishilgan natijalarni sarhisob qilib, yangi oʻquv yili uchun rejalar tuzib olishadi.
Joriy yil 26-avgustda anʼanaviy Avgust kengashi «Choykoʻl» ovulidagi Madaniyat markazida oʻtkazildi.
Anjumanda tuman hokimligi masʼul xodimlari, jamoat tashkilotlari rahbarlari, maktablarning direktorlari, direktor oʻrinbosarlari, oʻqituvchilar ishtirok etdilar.
Oʻqituvchilarning anʼanaviy Avgust kengashini tuman Xalq taʼlimi boʻlimi mudiri O.Yoʻldoshov ochdi. Qoraqalpogʻiston Respublikasi Xalq taʼlimi vaziri A.Ayapov anjuman ishtirokchilarini xalq taʼlimi tizimi xodimlari uchun tub burilishlar davrini boshlab berayotgan 2018-2019 oʻquv yili boshlanishi va mustaqillik bayrami bilan qizgʻin muborakbod etdi, pedagog xodimlar oldida turgan yoshlarni Vatanga muhabbat, xalqimizning koʻp asrlik urf-odat, anʼanalariga hurmat ruhida tarbiyalash, ular ongiga yuksak odob-axloq fazilatlarini chuqur singdirish, zamonaviy ilmni puxta egallashlariga erishish borasidagi vazifalarga keng toʻxtaldi.
Tuman Xalq taʼlimi boʻlimi mudiri Otabek Yoʻldoshov 2017-2018 oʻquv yili yakunlari, erishilgan yutuqlar, yoʻl qoʻyilgan kamchiliklar va kelgusida tizim xodimlari oldida turgan ulugʻvor vazifalar haqida maʼruza qildi.
Shundan soʻng, tuman hokimi Sultonboy Yoʻldashev, joriy yilda oliygohni tugatib, 26-sonli maktabda oʻqituvchilik faoliyatini boshlayotgan Nilufar Rajabboyeva, 40-sonli maktab direktori Sanobar Xoʻjamurodova, 13-sonli maktab direktori Murodboy Haybullayevlar yigʻilganlarni yangi oʻquv yili boshlanishi va istiqlolimizning 27-yilligi bilan tabrikladilar.
Anjumanda 2017-2018 oʻquv yilida oʻquvchilarga taʼlim-tarbiya berishda ulkan yutuqlarga erishgan 43 nafar pedagog-xodimlar Qoraqalpogʻiston Respublikasi Xalq taʼlimi vazirligi, tuman hokimligi va tuman Xalq taʼlimi boʻlimi tomonidan Faxriy yorliqlar, esdalik sovgʻalari bilan taqdirlandi.
Oʻqituvchilarning anʼanaviy Avgust kengashida boshlanayotgan oʻquv yili uchun rejalar belgilab olindi.
O.RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
