XALQ DEPUTATLAPI AMUDAPYo TUMAN KENGAShI PESPUBLIKADAGI YILNING ENG NAMUNALI KENGAShI MAQOMIGA SAZOVOP BOʻLDI

Prezidentimiz Sh.Mirziyeyov 2017-yil 13-iyul kuni Oliy Majlis palatalari, siyosiy partiyalar hamda Oʻzbekiston Ekologik harakati vakillari bilan oʻtkazgan videoselektor yigʻilishidagi maʼruzasida mamlakatimizda yuksak malakali deputatlar korpusini shakllantirish borasidagi ishlar haqida gapirar ekan, bu borada  bir taklif bergan edi. Yaʼni, Oliy Majlis Senati har yilning yakuni boʻyicha aniq mezonlar asosida mamlakatimiz boʻyicha xalq deputatlari tuman va shahar kengashlari orasidan 14 ta, Qoraqalpogʻiston Pespublikasi, viloyatlar va Toshkent shahri vakillik organlari oʻrtasidan esa 1 ta namunali kengashni aniqlab, boshqalarga oʻrnak qilib koʻrsatish va ragʻbatlantirish tizimini yoʻlga qoʻyishi taklif qilingan edi.

Shunga asosan Oliy Majlis Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasi tomonidan Qoraqalpogʻiston Pespublikasi xalq deputatlari tuman va shahar kengashlari faoliyati oʻrganilib, bir qator koʻrsatkichlarni oʻz ichiga olgan mezon asosida ularning faoliyati baholandi.

Komissiyaning 2018-yil 6-dekabrdagi qaroriga koʻra xalq deputatlari Amudaryo tuman Kengashi Qoraqalpogʻiston Pespublikasidagi yilning eng namunali Kengashi maqomiga sazovor boʻldi.

Suratda: Oʻzbekiston Pespublikasi Oliy Majlisi Qonunchilik palatasi Spikerining oʻrinbosari Sarvar Otamuratov tuman hokimi S.Yoʻldashevni qutlamoqda

Bu haqdagi sertifikatini 14-dekabr kuni boʻlib oʻtgan tuman Kengashi sessiyasida Qoraqalpogʻiston Pespublikasi Joʻqorgʻi Kengesi Paisining oʻrinbosari Atadjan Xamrayev xalq deputatlari Amudaryo tumani Kengashi raisi Sultonboy Yoʻldoshevga tantanali ravishda topshirdi.

Prezidentimiz oʻtgan yili Oliy Majlisga Murojaatnomasida taʼkidlaganidek, “Qachonki, hududlardagi vaziyat ijobiy tomonga oʻzgarsa, byudjet ijrosi toʻliq taʼminlansa, jinoyatchilik kamaysa, yangi ish oʻrinlari yaratilsa, eng muhimi, xalqimizning turmush darajasi yaxshilansa, mahalliy Kengashlar faoliyatiga ijobiy baho bersa boʻladi”. Shu nuqtai nazardan kelib chiqib aytish mumkinki, xalq deputatlari Amudaryo tuman Kengashi yilning eng namunali Kengashi deb topilishi nafaqat tuman rahbariyati va deputatlar, hokimlik masʼullarining fidokorona xizmatlari natijasi, balki tumanimiz ravnaqiga oʻzlarining munosib hissalarini qoʻshayotgan har bir yurtdoshimizning mehnatlari eʼtirofidir.

Fursatdan foydalanib, xalq deputatlari Amudaryo tuman Kengashi raisi va barcha deputatlarni, tuman hokimligi masʼullarini ushbu yuksak maqom bilan muborakbod etamiz!

Gʻ.Yeshniyozov