2018-yil davomida tuman hokimligiga jismoniy va yuridik shaxslardan 2109 ta yozma va ogʻzaki murojaatlar kelib tushgan

Amudaryo tumani hokimligida fuqarolar murojaatlariga eʼtiborni kuchaytirish, murojaatlarning ijobiy yechimini taʼminlash masalalariga alohida eʼtibor berilayapti.

Bunday masalalar tuman hokimligining kengaytirilgan majlislarida koʻrib chiqilib, tegishli ilojlar belgilanayapti. Shuningdek, tumandagi korxona va tashkilotlarning murojaatlar bilan shugʻullanadigan xodimlari ishtirokida seminarlar tashkil etilib, haftaning har dushanba kunida masʼul xodimlar ishtirokida oʻtkaziladigan apparat yigʻilishlarida murojaatlar bilan ishlash va ularni qanoatlantirish masalalari muhokama etilib borilayapti.

Tuman hokimligining ish rejasiga asosan korxona va tashkilotlarda ijro intizomi, jismoniy va yuridik shaxslar murojaatlari bilan ishlash boʻyicha maqsadli oʻrganishlar oʻtkazilib, bu boradagi kamchiliklar bartaraf etilayapti.

2018-yil davomida tuman hokimligiga jismoniy va yuridik shaxslardan 2109 ta yozma va ogʻzaki murojaatlar kelib tushgan boʻlib, ular belgilangan muddatlarda koʻrib chiqildi va ariza egalariga tegishli javoblar berildi.

Shu davr mobaynida Oʻzbekiston Respublikasi Prezidenti virtual qabulxonasi orqali kelib tushgan murojaatlar 233 tani, Oʻzbekiston Respublikasi Prezidenti Xalq qabulxonasi orqali kelib tushgan murojaatlar 159 tani tashkil etadi. Ularning 1649 tasi jismoniy va 68 tasi yuridik shaxslar murojaatlari hisoblanadi.

Ushbu murojaatlar tuman hokimligi tomonidan nazoratga olinib, ularning 319 tasi qanoatlantirildi, 1658 ta murojaat egalariga qonun doirasida tushuntirishlar berildi. 2 ta murojaat asossiz va 2 tasi anonim murojaatlar deb topildi.

Jismoniy va yuridik shaxslardan kelib tushgan murojaatlarning 386 tasi uy-joy va yer olish masalasidagi, 111 tasi qishloq xoʻjaligi, 109 tasi sogʻliqni saqlash va ijtimoiy taʼminot, 183 tasi moddiy yordam va 78 tasi ishga joylashish va ish haqi masalasidagi murojaatlardir.

Oʻtgan yil davomida topshiriqlar ijrosini oʻz muddatida taʼminlamagani va ijro intizomini buzgani uchun 5 nafar rahbar xodimga nisbatan intizomiy choralar koʻrildi.

Hamro Yuldashev, tuman hokimligi devonxonasi mudiri.