MAKTABLARDAGI YoZGI TOʻGARAKLARGA 700 NAFAR OʻQUVChI-YoShLAR QAMRAB OLINADI

Oʻquv yili mobaynida oʻquvchi yoshlar bilan gavjum boʻlgan maktablar  sinfxonalari kimsasiz boʻlib qoldi, ustozlar sabogʻini olib, sidqidildan ilm dunyosi sari odimlagan bolalar yozgi taʼtilga chiqdilar. Biroq endilikda 1-iyundan boshlab, qiziquvchan, intiluvchan, fan  asoslarini, axborot texnologiyalarini, tasviriy sanʼat sir-asrorlarini chuqur oʻrganishga ishtiyoqmand, sportga oshno boʻlish istagidagi oʻquvchilarni maktablarda faoliyat boshlayotgan yozgi toʻgaraklar oʻz bagʻriga chorlaydi.

Asosan, yozgi taʼtil vaqtida oʻquvchilarning boʻsh vaqtlarini mazmunli, maqsadli oʻtkazishlariga erishish, mashgʻulotlar davomida ishtirokchilarning iqtidorini rivojlantirish maqsadida yozgi toʻgaraklarga 6 smenada 4 ta maktabda 700 nafar oʻquvchi qamrab olinadi. 1 smenada Tasviriy sanʼat, kompyuter saboqlari, texnologiya (mehnat), shaxmat-shashka, futbol, voleybol, stol tennisi toʻgaraklariga 1-12-iyun oraligʻida 2-sonli maktabda 29 nafar, 4-sonli maktabda 29 nafar, 12-sonli maktabda 28 nafar, 69-sonli maktabda 29 nafar bolalar qamrab olinadi.

Mazkur maktablarda 2 smenada 118 nafar, 3 smenada 118, 4 smenada 118, 5 smenada 116 va 6 smenada 115 nafar bolalar toʻgarak mashgʻulotlariga jalb qilinadi.

Shuningdek, “Barkamol avlod” bolalar markazida kompyuter dizayni, estarada vokal, yosh ekolog, toʻqish, bichish-tikish toʻgaraklarida 1 smenada 100 nafar, 2 smenada yosh tabiatshunos, tasviriy sanʼat, yumshoq oʻyinchoq, toʻqish, kompyuter savodxonligi toʻgaraklariga 100 nafar, 3 smenada yosh oʻlkashunos, kompyuter savodxonligi, raqs, munchoqli bezak, toʻqish toʻgaraklariga 100 nafar, 4 smenada yumshoq oʻyinchoq, bichish-tikish, toʻqish, boshlangʻich texnik modellashtirish, yosh jurnalist va notiq toʻgaraklariga 100 nafar, 5 smenada munchoqli bezak, toʻqish, tasviriy sanʼat, yosh ekolog, ingliz tili toʻgaraklariga 100 nafar, 6 smenada yosh ekolog, stol tennisi, kompyuter savodxonligi, robotexnika, tasviriy sanʼat toʻgaraklariga 100 nafar oʻquvchilarni qamrab olish rejalashtirilgan.

Mazkur toʻgaraklar faoliyati bolalarning taʼtil davrini maqsadli, mazmunli oʻtkazishlariga, intellektual salohiyati oshishiga xizmat qiladi.

O.RAJABOVA.