Xalq deputatlari Amudaryo tuman Kengashining yetmishinchi sessiyasi toʻgʻrisida AXBOPOT

2019-yil 27-avgust kuni Xalq deputatlari Amudaryo tuman Kengashining yetmishinchi sessiyasi boʻlib oʻtdi. Navbatdagi lavhamiz shu xususida.

Sessiya majlisida deputatlar, tuman hokimi oʻrinbosarlari, hokimlik masʼul xodimlari, huquq-tartibot organlari, boʻlimlar, korxona-tashkilotlar rahbarlari, fuqarolar yigʻinlari raislari hamda ommaviy axborot vositalari vakillari ishtirok etdi. Sessiya kotibligiga 22-Jumurtov saylov okrugidan deputat Bahram Shermanov saylandi.

Sessiyada tumanimizning ijtimoiy-iqtisodiy hayotiga taalluqli bir qancha masalalar muhokama qilindi.

Kun tartibidagi birinchi masala – Oʻzbekiston Pespublikasi Prezidentining 2017-yil 6-maydagi “Aholi bandligini taʼminlash boʻyicha olib borilayotgan ishlar natijadorligi va samaradorligini oshirishda mahalliy ijro hokimiyati va iqtisodiy kompleksning hududiy organlari rahbarlarining shaxsiy masʼuliyatini oshirish chora-tadbirlari toʻgʻrisida”gi qarori ijrosi haqida tuman hokimining iqtisodiyot va tadbirkorlik masalalari boʻyicha birinchi oʻrinbosari Maʼmurjon Temirbayev axborot berdi.

Axborotda taʼkidlanganidek, davlat buyurtmasi parametrlariga koʻra tumanda 2019-yili 1 ming 286 ta, shundan 1-yarim yillikda 569 ta ish oʻrinlarini tashkil etish belgilanib, amalda 708 ta ish oʻrni yaratildi. Davlat byurtmasining maqsadli prognozi 124 foizga bajarildi. 2019-yilning oʻtgan davrida 3 ming 342  nafar norasmiy faoliyat koʻrsatayotgan ishchi hodimlar faoliyati legallashtirildi. Axborotda aholi bandligini taʼminlash boʻyicha kelgusida amalga oshiriladigan ishlar haqida ham toʻxtalib oʻtildi.

Sessiyada “Amudaryo tumanida ijtimoiy-iqtisodiy rivojlanish darajasi nisbatan past boʻlgan ovul va mahallalarda oʻtkazilgan oʻrganishlar davomida aniqlangan muammo va kamchiliklarni bartaraf etish toʻgʻrisida”gi masala yuzasidan Oʻzbekiston Pespublikasi Prezidentining Amudaryo tumanidagi Xalq qabulxonasi mudiri Erkin Pajabov axborot berdi.

Shuningdek, Erkin Pajabov Oʻzbekiston Pespublikasi Prezidentining Amudaryo tumanidagi Xalq qabulxonasi tomonidan 2019-yilning 2-choragida tumanni kompleks ijtimoiy-iqtisodiy rivojlantirish boʻyicha sektorlar faoliyatini oʻrganish natijalari haqidagi masala yuzasidan ham axborot berdi.

Maʼlumki, Oʻzbekiston Pespublikasi Sudyalar oliy kengashining 2018-yil 14-sentyabrdagi qarori bilan “Sud raislarining Qoraqalpogʻiston Pespublikasi Joʻqorgʻi Kengesi, tegishli viloyat, tuman va shahar xalq deputatlari Kengashlariga axborot berish tartibi” tasdiqlangan. Mazkur tartibga muvofiq sessiyada fuqarolar huquqlari va erkinliklarini, shuningdek korxonalar, muassasalar va tashkilotlarning huquqlari hamda qonun bilan qoʻriqlanadigan manfaatlarini sud orqali himoya qilish faoliyatiga doir tuman fuqarolik ishlari boʻyicha sudi, iqtisodiy sudi va maʼmuriy sudi railarining axborotlari tinglandi.

Sessiyada huquqbuzarliklarning oldini olish va ularning profilaktikasi holati toʻgʻrisida tuman ichki ishlar boʻlimi boshligʻining yoshlar masalalari boʻyicha oʻrinbosari – huquqbuzarliklar  profilaktikasi boʻlinmasi boshligʻi Aziz Qurboniyazov hisobot berdi.

Hisobotda oʻtgan yilning shu davrida barcha yunalishlar buyicha 46 ta jinoyat sodir qilingan boʻlsa, 2019-yilning mos davri holatiga bu koʻrsatkich 34 tani tashkil qilgani, tumanda jinoyatlar soni 12 taga kamaygani qayd etildi. 

Deputatlarga tuman hududida jinoyatchilik va huquqbuzarliklar sodir qilinishining oldini olish boʻyicha amalga oshirilayotgan ishlar haqida batafsil maʼlumotlar berildi.

Kun tartibidagi navbatdagi masalada Xalq deputatlari tuman Kengashining nodavlat notijorat tashkilotlari va fuqarolik jamiyatining boshqa institutlari masalalari boʻyicha doimiy komissiyasi faoliyati yuzasidan doimiy komissiya raisi oʻrinbosari Ashirbay Qoʻshayevning hisoboti tinglandi.

Sessiyada shuningdek “Amudaryo tumani hokimining 2019-yil 10-avgustdagi “2019-yilda tuman mahalliy byudjeti daromadlar qismining oshirib bajarilgan qismi hisobidan Xotira maydonchasi majmuasini qurish ishlariga mablagʻ ajratish toʻgʻrisida”gi qarorini tasdiqlash masalasi muhokama qilindi.

Kun tartibidagi barcha masalalar boʻyicha faol muhokamalar boʻlib oʻtdi va xalq deputatlari tuman Kengashining tegishli qarorlari qabul qilindi.

Shuning bilan sessiya oʻz ishini yakunladi.

Amudaryo tumani hokimligining axborot xizmati.