FAN OYLIGI DOIRASIDAGI TADBIRLAR OʻQUVChILARNING RUS TILIGA BOʻLGAN QIZIQIShLARINI OShIRDI
Til bilgan - el biladi, deydi xalqimiz. Ayniqsa bugungidek globallashuv jarayoni kechayotgan davrda bir nechta tillarni mukammal bilish juda muhim. Bu har bir odamga turli xalqlar vakillari bilan muomala qila olish, adabiyoti, madaniyati bilan tanishish imkoniyatini beradi. Badiiy, ilmiy adabiyotlarni yozilgan tilda oʻqiganga ne yetsin!
Mamlakatimizning umumiy oʻrta taʼlim maktablarida shuning uchun ham rus, ingliz va boshqada xorijiy tillarni oʻquvchilarga oʻrgatishga eʼtibor kun sayin kuchaymoqda. Tillarni, barcha fanlarni oʻquvchilarning puxta oʻzlashtirishlariga erishish-
da umumtaʼlim muassasalarida taʼlim jarayoniga tatbiq etilgan fan oyliklarining oʻrni juda muhim.
Fan oyliklari muassasalardagi taʼlim - tarbiya jarayonining sifatini yaxshilashga, fan oʻqituvchilarining pedagogik mahorati oshishiga, ularning ijodiy izlanishlari va mehnatini roʻyobga chiqarishga xizmat qilishi bilan juda ahamiyatlidir. Shuningdek, oʻquvchilarga biror fanni chuqur oʻrgatishga yoʻnaltirilib, ularning mazkur fandan olgan bilimlarini namoyish etishlariga ham imkoniyat yaratadi.
60-sonli umumiy oʻrta taʼlim maktabida noyabr oyida rus tili fan oyligi doirasida oʻtkazilgan tadbirlar ham oʻquvchilar uchun gʻoyat qiziqarli va maroqli boʻldi. Avvalo 11-sinf mavjud boʻlgan muassasada oylikni namunali tashkil etish boʻyicha reja ishlab chiqilib,ushbu reja asosida har bir tadbir belgilangan muddatlarda oʻtkazilishiga erishildi.Oʻquvchilarga bu borada maʼlumotlar berildi va iqtidorini sinovdan oʻtkazishlariga yaratilayotgan imkoniyatdan foydalanish lozimligi tushuntirildi. Shuning uchun ham oylik davomida oʻtkazilgan ochiq darslar oʻquvchilar uchun ham, ularning ota - onalari uchun ham qiziqarli boʻldi. Turli mavzularda oʻtkazilgan viktorinalarda,”Rus tili bilimdoni” tanlovida oʻquvchilar faol qatnashib, gʻoliblik uchun intilishdi. Oylik oxirida rus tili fani boʻyicha daftarini eng ozoda saqlagan, eng chiroyli yozgan, eng koʻp sheʼr yod olgan, dars mashgʻulotlarini eng yaxshi oʻzlashtirgan oʻquvchilar ragʻbatlantirildi. Eng yakuniy maʼnaviy- maʼrifiy tadbir – “ Biz rus tili bilimdoni boʻlamiz” deb nomlandi. Tadbirda oʻquvchilar rus tili adabiyoti darsligidagi ertaklar qahramonlari rasmlarini chizish, rus xalqi laparlaridan aytish, raqslarini ijro etish, sahna koʻrinishlar namoyish etish boʻyicha oʻzaro bellashdilar.
Tadbirga oʻquvchilarning jiddiy tayyorgarlik koʻrishgani, har birining gʻoliblik uchun intilgani meni juda quvontirdi. Bolalar bilan ularning qobiliyatlarini rivojlantirish uchun darsdan tashqari shugʻullanishim ham zarur ekanligini anglab yetdim,- deydi rus tili fani oʻqituvchisi Tozagul Safarniyozova.
Bellashuvda oʻquvchilar bilimi va iqtidorini tadbirda qatnashgan sinflar rahbarlari baholab borishdi. Hakamlar hayʼatining gʻoliblarni eʼlon qilib, taqdirlashi oʻquvchilarga ham, oʻqituvchilarga ham eng hayajonli lahzalarni hadya etdi.
Rus tili fan oyligining yakunlovchi tadbiri maktabning rus tili fani oʻqituvchisi Tozagul Safarniyozova, maktab direktori oʻrinbosarlari Doʻsimbat Bozorboyev, Boʻtakoʻz Xudoyberberganovalar hamkorligida tayyorlandi. Fan oyligi doirasida amalga oshirilgan chora - tadbirlar oʻquvchilarning mazkur fanga qiziqishlarini oshirdi, yanada qunt bilan oʻqib- oʻrganish uchun intilishga ruhlantirdi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
