MENING OʻGʻLIM – VATAN HIMOYaChISI
Ona Yurt himoyachisining onasi boʻlish qanchalik sharafli, shu bilan birga masʼuliyatli ekanini farzandi harbiy xizmatda boʻlgan onalar juda yaxshi tushunadilar.Oʻtgan 2019-yilning fevral oyida oʻgʻlim Shahzodjon Karimovni harbiy xizmatga kuzatdik. Doimo bagʻrimda boʻlgan oʻgʻlimning bir yil davomida mamlakatimizning janubiy viloyati, qolaversa, notinch Afgʻoniston davlati bilan chegaradosh hududdagi harbiy qismlardan birida xizmat qilishi ona sifatida menda ham faxr, ham biroz xavotir uygʻotdi. Xudoga ming-ming shukurki, Vatanimiz tinch, sarhadlarimiz mustahkam.
Ayni paytda Shahzodjon quruqlikdagi qoʻshinlar tarkibidagi harbiy qismlardan birida oʻz yigitlik burchini oʻtamoqda. Uning harbiy qasamyod qabul qilgan lahzalardagi magʻrur turishlarini, haybatini koʻrib qanchalar quvongan boʻlsam, harbiy qism qoʻmondonligi tomonidan tashakkurnoma olganimda oʻzimni dunyodagi eng baxtiyor ona sifatida his qildim.
Qarang, bir pasda bir yil vaqt oʻtib ketdi. Xudo xohlasa, oʻgʻlim shu yilning bahorida harbiy xizmatdan qaytadi. Oʻgʻlim bilan telefon orqali tez-tez gaplashib turaman va shuni his qilamanki, u ancha oʻzgargan. Dunyoqarashi keng, bosiq, mulohazali, mehr-oqibatli, matonatli shaxs sifatida shakllangan. Bu menga quvonch bagʻishlaydi va oʻgʻlim bilan faxrlanaman.
Fursatdan foydalanib, barcha askar onalarini, Vatanimiz sarhadlarida hamisha sobit Ona Yurt posbonlarini, jonajon xalqimizni Vatan himoyachilari kuni bilan tabriklayman. Hamisha osmonimiz musaffo, sarhadlarimiz tinch va mustahkam, Ona yurt posbonlari – aziz harbiylarimiz omon boʻlsinlar!
Nilufar MADRAIMOVA,
uy bekasi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
