Fan oyligi doirasida ochiq dars oʻtkazildi
Yurtimizdagi barcha taʼlim muassalarida yilning har bir oyida maʼlum bir fanlarga oid fan oyliklari tashkil qilinadi. Fan oyliklari doirasida devoriy gazetalar tayyorlanib, turli xil tadbirlar, koʻrgazmalar, bellashuvlar, musobaqalar oʻtkaziladi. Shuningdek, fan oʻqituvchilari oylik doirasida bor pedagogik mahoratlarini ishga solib, ochiq darslar oʻtkazishadi, bu bilan oʻquvchilarning fanga boʻlgan qiziqishlarini yanda oshirishadi hamda boshqa fan oʻqituvchilari bilan tajriba almashishadi.
Ana shunday fidoyi oʻqituvchilardan biri tumanimizdagi 1-sonli umumtaʼlim maktabining informatika fani oʻqituvchisi Anorgul Oʻrozimbetova matematika fani oyligi munosabati bilan ochiq dars tashkil qildi.
Oʻqituvchining 8-“V” sinfda “MS Exselda matematik amallar va funktsiyalarni qoʻllash” mavzusida tashkil etgan ochiq darsi juda qiziqarli tarzda oʻtdi.
Ochiq darsda zamonaviy pedagogik texnologiyalardan, noanʼanaviy taʼlim metodlaridan foydalanildi. Xususan, “Galereya”, “Aqliy hujum”, “Kim topqir?” kabi taʼlim metodlari darsning yanada jonlanishiga, oʻquvchilarning dars jarayonida faol ishtirok etishlariga xizmat qildi.
Shuningdek, ochiq darsda oʻquvchilar bilan kichik guruhlarda ishlash metodidan foydalanildi. Bu metod oʻquvchilarda epchillik, topqirlik, uddaburonlik qobiliyatlarini yanada rivojlantirdi.
Darsda deyarli barcha oʻquvchilar faol ishtirok etdilar. Oʻqituvchi ochiq darsda bilimi, topqirligi, faolligi bilan ajralib turgan oʻquvchilarni ragʻbatlantirdi. Matematika fani oyligi doirasida oʻtkazilgan ochiq dars oʻquvchilarning fandan olgan bilimlarini yanada mustahkamlab, tushunchalarini kengaytirdi.
Charos Arslonova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
