OILA VA SALOMATLIK
Oilada er-xotin oʻrtasidagi munosabatlar oʻzaro ishonch, sadoqat, sabr-toqat asosida oʻrnatilishi reproduktiv salomatlik va sogʻlom turmush tarzini shakllantirishda muhim ahamiyat kasb etadi.
OILA - reproduktiv salomatlik va sogʻlom turmush tarzini shakllantiruvchi jamiyatning bir boʻlagi boʻlib, milliy urf-odatlarimiz asosida uzoq yillar mobaynida qatʼiy shakllantirilgan va Oʻzbekiston Respublikasining Oila kodeksi bilan qonunlashtirilgan, oʻzining avlodi, nasli uchun jismoniy, axloqiy-maʼnaviy va huquqiy masʼuliyatni ixtiyoriy-majburiy ravishda oʻz zimmasiga olgan jamiyatimizning muhim boʻlagidir.
Moʻʼtadil ruhiy vaziyat sogʻlom oilani shakllantirish uchun zarur shartlardan biridir. Oila barpo boʻlgan birinchi kunidan boshlab, kundalik turmushi oila aʼzolari sogʻligi mustahkam boʻlishi uchun harakat qilish zarur. Buning uchun:
- oila aʼzolari sogʻlom turmush tarzi xususida tushunchaga ega, bilimdon va malakali boʻlishlariga erishish;
- profilaktik tibbiy koʻrikdan muntazam ravishda oʻtib borishni kundalik koʻnikmalarga kiritishga erishish;
- kun tartibini toʻgʻri tashkil qilish;
- ruhiy xotirjamlikni taʼminlash va saqlash;
- oila rahbari tomonidan muntazam ravishda oila aʼzolarining dam olishlarini taʼminlash;
- zararli odatlarning boʻlmasligi;
- toʻgʻri ovqatlanishning 12 tamoyiliga rioya qilish;
- jismoniy tarbiya va chiniqtiruvchi mashqlarni oila aʼzolari bilan birgalikda muntazam ravishda olib borish;
- oila aʼzolarida ozodalik va orastalik koʻnikmalarini shakllantirib, shaxsiy gigiyena qoidalariga rioya qilish zarur.
Oila aʼzolarining salomatligini taʼminlash, ularning baxtli boʻlishi, avlodlar iqtidori va nasl-nasabi yaxshilanib borishida har bir oilada yuqoridagi ishlarni oʻz vaqtida toʻgʻri tashkil etilgan taqdirdagina amalga oshadi.
Har qaysi millatning oʻziga xos maʼnaviyatini shakllantirish va yuksaltirishda, hech shubhasiz, oilaning oʻrni va taʼsiri beqiyosdir.
Jamiyatning muqaddas maskani hisoblangan oilada millatning unutilmas qadriyatlari - ahillik, totuvlik boʻlishi lozim. Agar bu narsa boʻlmasa, oilaga putur yetib, uning majburiyatlari buziladi.
Oilaning asosiy vazifasi sogʻlom avlodni kamol toptirishdan iboratdir. Har bir millat va jamiyatning eng qimmatli xazinasi-sogʻlom, axloqiy barkamol oiladir. Hozirgi sharoitda oilalarda umuminsoniy va milliy qadriyatlar ildiziga tayangan xolda, sharqona axloqiy va ruhiy asoslar takomillashib bormoqda. Sogʻlom axloqiy muhit muomala madaniyati, axloqiy tamoyil chuqur ildiz otmasa, bunday oilada salbiy oqibatlarning qaror topishi muqarrar. Chunki axloqiy asoslar sogʻlom boʻlmasa, umr daraxti sinadi va hosil bermaydi. Oila mustahkam poydevorga qurilib, unda sharqona va jahon andozasiga monand axloqiy va maʼnaviy qadriyatlar qaror topsa, sogʻlom avlodni voyaga yetkazishda yetakchi oʻrinni egallasa, bunday oila ostonasidan Vatan, millat, inson kamoloti, sogʻlom avlod kelajagi boshlanadi.
O.Halimov,
tuman tibbiyot birlashmasi boshligʻi, tibbiyot fanlari nomzodi.
(Foto - http://uzssgzt.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
