Yoz soz oʻtdi
Umumtaʼlim maktablari, akademik litsey va kasb-hunar taʼlimi muassasalari oʻquvchilarining yozgi taʼtilini mazmunli oʻtkazish, ularni sportga kengroq jalb qilish maqsadida har yili "Yoz - 2014” sport musobaqalari oʻtkazib kelinmoqda. Joriy yil "Yoz - 2014” sport musobaqalarining tuman bosqichi basketbol, voleybol, futbol, qoʻl toʻpi, stol tennisi, yengil atletika, kurash, belbogʻli kurash, dzyu-do, shaxmat va shashka turlari boʻyicha oʻtkazildi. Ularda 7372 nafar oʻquvchi yoshlar ishtirok etishgan boʻlsa, ularning 3680 nafarini qiz bolalar tashkil qiladi.
Nukus shahrida "Yoz - 2014” sport musobaqalarining Qoraqalpogʻiston Respublikasi hudud bosqichidasportning futbol turidan 38-sonli umumtaʼlim maktabi jamoasi ishtirok qilib, faxrli ikkinchi oʻrinni egalladilar. Shu kuni sportning stol tennisi turi boʻyicha ishtirok qilgan 16-sonli maktab oʻquvchisi Faxriddin Rajabov hamda Mangʻit qishloq xoʻjalik kasb-hunar kolleji oʻquvchisi Shavkat Matyoqubov, Mangʻit iqtisodiyot kasb-hunar kolleji oʻquvchisi Mohira Imomqulovalar faxrli birinchi oʻrinni egallab, Qoraqalpogʻiston Respublikasi final bosqichida qatnashish huquqini qoʻlga kiritishdi. Xoʻjayli shahrida boʻlib oʻtgan "Yoz - 2014” sport musobaqalarining shashka va shaxmat turlari boʻyicha Qoraqalpogʻiston Respublikasi hudud birinchiliklarida, shashka boʻyicha faxrli birinchi oʻrinni egallagan 40-sonli umumtaʼlim maktabi oʻquvchisi Sadoqat Rahimova, 56-sonli umumtaʼlim maktabi oʻquvchisi Sarvinoz Boltaboyeva, shaxmat boʻyicha faxrli birinchi oʻrinni egallagan 8-sonli ixtisoslashtirilgan davlat umumtaʼlim maktabi oʻquvchisi Kamola Qadamboyevalar Nukus shahrida oʻtkaziladigan "Yoz - 2014” sport musobaqalarining Qoraqalpogʻiston Respublikasi final bosqichida muvaffaqiyatli qatnashdilar.
Rustam Abdullayev.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
