Tuman xabarlari
***
Mangʻit shahridagi "Oxunjon” toʻyxonasida 1-oktyabr – Oʻqituvchi va murabbiylar kuni munosabati bilan tantanali tadbir oʻtkazildi. Unda tumanimizning barcha taʼlim muassasalaridan oʻqituvchilar, mehnat faxriylari hamda tuman hokimligidan vakillar ishtirok etishib, soha xodimlariga alohida hurmat-ehtirom koʻrsatildi. Tadbirda soʻzga chiqqanlar barcha oʻqituvchilarni, soha xodimlarini bayram munosabati bilan tabriklab, ezgu tilaklar bildirishdi.
Uzoq yillar davomida taʼlim sohasida namunali xizmat qilgan faxriylar va faol oʻqituvchilarga esdalik sovgʻalari topshirildi.
***
4-oktyabr kuni yurtimizda Qurbon hayiti bayrami koʻtarinki ruhda nishonlandi.
Aytish kerakki, 1991-yil 20-iyunda Prezidentimiz Islom Karimovning "Diniy bayram – Qurbon hayitini dam olish kuni deb eʼlon qilish haqida”gi Farmoni milliy maʼnaviyatimizning tarkibiy qismi boʻlgan islom dinimizning jamiyat hayotidagi oʻrnini tiklash borasida amalga oshirilgan ulkan qadam boʻldi.
Tumanimizdagi "Yusuf eshon bobo” jomʼe masjidida ham shu kuni Iydi Qurbon namozi ado qilindi. Yigʻilganlar yurtimiz tinchligi, rizqimiz butunligini Yaratgandan soʻrab, duolar qildilar.
***
Yaqinda "Baramol avlod" bolalar marazida yangi oʻquv yilida amalga oshirilishi lozim boʻlgan muhim vazifalarga bagʻishlangan seminar-kengash boʻlib oʻtdi.
Seminarda kun tartibidagi masala boʻyicha markaz direktori X.Rajabovaning maʼruzasi tinglandi. Shuningdek, toʻgarak rahbarlarining hujjat yuritishga oid, toʻgaraklar faoliyatini yanada jonlantirishga doir maʼruzalari tinglandi.
Ishtirokchilar ilgʻor toʻgarak rahbarlarining ish faoliyati bilan tanishib, oʻzaro tajriba almashdilar.
***
3-oktyabr kuni Oʻzbekiston "Milliy tiklanish” demokratik partiyasi tuman Kengashining III konferentsiyasi boʻlib oʻtdi.
Konferentsiyada keyingi 5 yil davomida partiyaning tuman Kengashi tomonidan amalga oshirilgan ishlar boʻyicha hisobot tinglandi. Shuningdek, partiya tuman Kengashi ijroiya qoʻmitasining tarkibiga oʻzgartish va qoʻshimchalar kiritish, xalq deputatlari tuman Kengashi deputatligiga "Milliy tiklanish" demokratik partiyasidan koʻrsatilgan nomzodlarni tasdiqlash, OʻzMTDP Qoraqalpogʻiston Respublikasi Kengashining III konferentsiyasiga delegatlar saylash masalalari muhokama qilindi. Konferentsiya kun tartibidagi masalalar yuzasidan tegishli qarorlar qabul qilindi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
