IJTIMOIY HIMOYaGA MUHTOJ AYoL VA UNING OʻGʻLIGA ShAXSINI TASDIQLOVChI HUJJAT OLIShIGA KOʻMAKLAShILDI
Qum yop mahallasi fuqarosi, farzandlarini toʻliqsiz oilada tarbiyalayotgan M.Shomurodova ijtimoiy ogʻir ahvolda yashaydi. Ushbu ayol ikki nafar oʻgʻli bilan ovul hududidagi eski maktab binosidan berilgan bir xonada istiqomat qiladi. Shu paytga qadar ayol oʻzining eski koʻrinishdagi shaxsini tasdiqlovchi hujjatini ID kartaga almashtirolmagani sababli maktab yoshiga yetgan boʻlsa ham kichik farzandi S.Shomurodovga tugʻilganlik haqidagi guvohnomani olishga imkoni boʻlmadi. Shuningdek, Qum yop mahalla fuqarolar yigʻini tomonidan ham hujjati yoʻqligi sababli bu ayolni ijtimoiy himoyaga muhtojlar qatorida manzilli yordam koʻrsatish boʻyicha daftarlar roʻyxatiga kiritish imkoni boʻlmayotgan, shunda ham qoʻldan kelguncha koʻmak berilib kelinayotgan edi.
Qum yop mahalla fuqarolar yigʻinining xotin-qizlar faoli R.Qonarbayeva hamda tuman hokimligining Bolalarni himoya qilish shoʻʼbasi rahbari J.Xolmurodovlarning saʼy-harakatlari va koʻmagi bilan 1984-yil 13-martda tugʻilgan Shamuratova Manzura Narbayevnaga shaxsini tasdiqlovchi hujjat, yaʼni ID karta, uning farzandi 74-sonli maktabning 1-sinf oʻquvchisi 2015-yil 8-dekabrda tugʻilgan Shamuratov Samir Hamro oʻgʻliga tugʻilganlik haqidagi guvohnomasi olib berildi.
Qum yop mahallasi fuqarosi M.Shomurodova oʻzining va oʻgʻlining shaxsini tasdiqlovchi hujjatlarini rasmiylashtirishda va olishda yaqindan koʻmak bergan masʼullarga katta minnatdorchilik bildirdi.
Nabira Ungarova, tuman FHDYo boʻlimi ish yurituvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
