PROBATsIYa GURUHI HISOBIDA TURUVChI 17 NAFAR MAHKUM MUDDATIDAN AVVAL OZOD ETILDI
Respublikamizda sud-huquq sohasida amalga oshirilayotgan islohotlar natijasida odamlarning davlatga ishonchi yuksalib, hayotlaridan rozi boʻlib yashashi taʼminlanmoqda. Xususan, bilib-bilmay jinoyat sodir etib qoʻyib, chin koʻngildan pushaymon boʻlgan, sodir etgan jinoyatining oqibatlarini tushunib yetgan shaxslar avf etilib, ularning jamiyatga moslashuviga sharoit yaratilmoqda.
Jinoyat turiga koʻra ozodlikdan mahrum etish bilan bogʻliq boʻlmagan, yoxud tayinlangan ozodlikdan mahrum etish jazosining oʻtalmagan qismi ozodlikdan mahrum etish bilan bogʻliq boʻlmagan jazo turiga almashtirilgan mahkumlar ushbu jazo turini oʻtash davrida munosib xulq-atvorda boʻlsa, tuzalish yoʻliga oʻtib, jazoni oʻtash tartib-qoidalariga amal qilsa, muddatidan oldin ozod etiladi. Davlatimizning buningdek bagʻrikenglik, insonparvarlik siyosati tufayli shodlik-quvonch kirib kelgan oilalar koʻpchilik.
11-yanvar kuni jinoyat ishlari boʻyicha Amudaryo tumani sudi tomonidan Boyovul mahalla fuqarolar yigʻini binosida sayyor sud majlisi oʻtkazilib, unda tuman Ichki ishlar boʻlimi Probatsiya guruhi hisobida turgan va tuzalish yoʻliga oʻtgan 17 nafar mahkumlarga nisbatan kiritilgan taqdimnomalar koʻrib chiqildi.
Mahkumlardan biri oqibatini chuqur oʻylab koʻrmay, tez va moʻmay pul topish ilinjida jinoyat koʻchasiga kirib qolgan yurtdoshimizdir. Xalqimizda soʻnggi pushaymon – oʻzingga dushman, degan ibora bor. U ham qilmishidan pushaymonligini xulq-atvori bilan isbotladi, muassasa tartib-qoidalariga boʻysundi, mehnatsevarligini koʻrsatdi. Natijada bir yilga yaqin vaqt oʻtgach, uning ozodlikdan mahrum qilish jazosi sud hukmi bilan axloq tuzatish ishlariga almashtirildi va u ishga joylashdi.
Davlatimizning kechirimlilik siyosati natijasida mazkur sud majlisida jami 17 nafar mahkum ozodlikdan mahrum qilish bilan bogʻliq boʻlmagan jazodan muddatidan oldin ozod etildi.
Adashganning aybi yoʻq – qaytib yoʻlini topsa, deydi xalqimiz. Ularning endi adashmasliklarini tilab qolamiz.
Oygul RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
