Kuyuk koʻpirlik nuroniylar bir piyola choy ustida suhbat qurishdi
21-yanvar kuni Kuyuk koʻpir ovulida “Bir piyola choy ustida” nuroniylar, hududdagi idora va tashkilotlar rahbarlari va yoshlar ishtirokida “Uch avlod uchrashuvi” deb nomlangan maʼnaviy-maʼrifiy tadbir oʻtkazildi.
Tadbirda yoshi ulugʻ otaxon va onaxonlarimiz hayoti va mehnat faoliyati davomida toʻplagan boy tajribasi, yoshlik davridagi oʻziga xos qiyinchiliklar, mehnat pallasidagi mashaqqatlar, nihoyat nuroniylik paytida davlatimiz tomonidan koʻrsatilayotgan hurmat-ehtirom haqida oʻz dil soʻzlarini, samimiy fikrlarini bildirdilar.
El-yurt ravnaqi yoʻlida mamlakatimiz rahbariga yaqin koʻmakchi, kamarbasta boʻlish lozimligi uch avlodga mansub yurtdoshlarimiz oʻrtasida kechgan samimiy suhbatlar bosh mavzusiga aylandi. Tadbirda tuman “Nuroniylar” jamoatchilik kengashi aʼzolari A.Nafasov, B.Toʻraboyev, mahalla faollari S.Raximboyev, G.Qalandarova, M.Sapayeva, M.Bozorboyeva, G.Saidova, S.Boltayevlar soʻzga chiqishib, yoshlarga yaratilayotgan sharoitlar, koʻrsatilayotgan gʻamxoʻrliklar haqida soʻz yuritdilar hamda yosh avlodning kelajakda el-yurt koriga munosib vatanparvar, fidoyi insonlar boʻlib yetishishiga intilishlari lozimligi qayd etildi.
Shuningdek, Kuyuk koʻpir ovulida istiqomat qilayotgan, turli sohalarda mehnat qilib, muvaffaqiyatlarga erishayotgan, oʻzini-oʻzi band qilish, bir nuroniyga oʻn yosh tamoyili asosida bandligi taʼminlangan yoshlar alohida eʼtirof etilib, boshqalarga oʻrnak qilib koʻrsatildi.
Uchrashuvda yoshlar taʼlim-tarbiyasiga munosib hissa qoʻshayotgan bir guruh faol keksa avlod vakillariga Nuroniylar jamoatchilik Kengashining ragʻbatlantiruvchi mukofotlari topshirildi.
B.TOʻRABAYeV, Amudaryo tumani Mahalla va nuroniylarni qoʻllab-quvvatlash boʻlimi mutaxassisi
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
