FUQARO TUGʻILGANLIK HAQIDAGI GUVOHNOMAGA EGA BOʻLISh UChUN 17-YIL KUTDI VA...
Nihoyat Amudaryo tumani Adliya boʻlimi aralashuvi bilan 17 yoshga toʻlgan qizga tugʻilganlik haqida guvohnoma rasmiylashtirildi.
Qoraqalpogʻiston Respublikasi Adliya vazirligi Amudaryo tumani adliya boʻlimiga fuqaro Z. shikoyat bilan murojaat qilib, unda J. ismli qiz farzandiga tugʻilish haqidagi guvohnomasi olishda bir necha yillardan buyon qiynalib kelayotganligini bildirib, ushbu masalada amaliy yordam berishni soʻragan edi.
Aniqlanishicha, fuqaro Z. 2006-yilda qiz farzandli boʻlgan. Lekin farzandi 2006-yil uy sharoitida tugʻilganligi sababli farzandiga tugʻilish guvohnomasi olaolmagan, Z. 2019-yilda tuman FHDYo boʻlimiga murojaat etgan, biroq FHDYo boʻlimi masʼullari farzandining tugʻilishini tasdiqlovchi maʼlumotlar boʻlmaganligi sababli arizani rad qilgan.
Amudaryo tumani Adliya boʻlimi tomonidan Oʻzbekiston Respublikasi Fuqarolik protsessual Kodeksining 295–moddasiga asosan Fuqarolik ishlari boʻyicha Amudaryo tumani sudiga ushbu onadan tugʻilganlik faktini aniqlash haqida daʼvo arizasi kiritildi.
Yaqinda Fuqarolik ishlari boʻyicha Amudaryo tumani sudining hal qiluv qarori bilan fuqaro Z.ning qiz farzandi shu onadan tugʻilganlik faktini aniqlash haqidagi arizasi qanoatlantirildi.
Fuqarolik ishlari boʻyicha Amudaryo tumani sudining hal qiluv qarori qonuniy kuchga kirgach, Amudaryo tumani FHDYo boʻlimi tomonidan Z.ning qiz farzandiga tugʻilganlik toʻgʻrisidagi guvohnomasi rasmiylashtirilib berildi va tantanali ravishda topshirildi.
Bunga qadar ushbu quvonchli kunni J.ning ota-onasi ham, uning oʻzi ham intizorlik bilan kutdi. Agar ota-ona oʻz fuqarolik haq-huquqlarini bilganlarida edi, oradagi vaqt 17-yilga choʻzilmasdi. Oʻz vaqtida, yaʼni farzandi tugʻilgan 2006-yildayoq bu muammo oʻz yechimini topardi. Huquqiy savodsizlik tufayli J. tugʻilganligi haqida FHDYo boʻlimida qayd etilmagan, natijada qizaloq 17-yil tugʻilganlik haqidagi guvohnomasiz yashagan. Bu kabi holatlar yuz bermasligi uchun har bir fuqaro fuqarolik haq-huquqlarini yaxshi bilishi shart va bu hayotiy zaruriyatdir.
N.JUMANIYaZOVA, Amudaryo tumani adliya boʻlimi Inson huquqlarini himoya qilish va huquqni qoʻllash amaliyotini oʻrganish boʻlinmasi bosh maslahatchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
