XALQ QABULXONASIDA MUAMMOLAR TEZKORLIK BILAN HAL ETILMOQDA

Yurtimizning barcha hududlaridagi Xalq qabulxonalari odamlar ogʻirini yengil qilish, ularning muammolarini hal etishda muhim ahamiyat kasb etayotir. Buni Oʻzbekiston Respublikasi Prezidentining Amudaryo tumanidagi Xalq qabulxonasi faoliyati misolida ham koʻrish mumkin.

Prezidentning Virtual qabulxonasiga joriy yil boshidan 1-noyabr sanasiga qadar tuman aholisi tomonidan jami 3755ta masalalar boʻyicha murojaatlar kelib tushgan. Shundan Prezidentning ishonch telefoni orqali 2823ta, Prezident pochtasiga 110ta, Prezident Xalq qabulxonasiga 96ta, sayyor qabulda 55ta, qabulxonaning veb-sayti orqali 384ta, qolgan 287tasi esa tuman Xalq qabulxonasida qabul qilingan.

Yuqorida qayd etilgan 3755ta murojaatlarning 2810tasi, yaʼni 80,4 foizi qanoatlantirilgan. Shundan 1546tasi, yaʼni 44,2 foizi ijobiy hal qilingan. Shuningdek, 1240tasiga huquqiy maslahatlar berilgan, 24tasi uzoq muddatli nazoratga olingan. Qolgan 516tasiga ogʻzaki tushuntirish berilgan, 28tasi rad etilgan, 125tasi tugatilgan, 6tasi koʻrmasdan qoldirilgan, 10tasi maʼlumot uchun qabul qilingan va 260tasi koʻrib chiqish jarayonida. Ushbu murojaatlarning 2093tasi Amudaryo tumanidagi davlat organlari, idora va tashkilotlar tomonidan, 1662tasi Qoraqalpogʻiston Respublikasi, viloyatlar, Toshkent shahri hamda Respublikaning boshqa tuman va shaharlaridagi davlat organlari, vazirlik va boshqarmalari tomonidan oʻrganib chiqilgan.

Kelib tushgan murojaatlarning 158tasi 18 yoshgacha bolalar nafaqasi, 70tasi davolanish va jarrohlik amaliyoti uchun moddiy yordam, 155tasi muhtojlarga bir martalik moddiy yordam, 84tasi uy-joy bilan taʼminlash va yashash sharoitlarini yaxshilash, 156tasi uy-joyini taʼmirlash va yangidan qurish uchun yordam soʻrash mazmunidagi murojaatlardir. Shuningdek, tumandagi sektor rahbarlari tomonidan oʻzlariga biriktirilgan hududlarda jami 162 marotaba ommaviy sayyor qabullar oʻtkazilgan. Ushbu qabullarda jami 1 028ta murojaatlar kelib tushgan boʻlsa, ularning 809tasi koʻrib chiqilgan. Shundan 755tasi, yaʼni 94,1 foizi qanoatlantirilgan, 502tasi, yaʼni 62,1 foizi ijobiy hal qilingan, 251tasiga esa huquqiy maslahat va maʼlumotlar berilgan, 2tasi uzoq muddatli nazoratga olingan. Shuningdek, 54tasiga tushuntirish berilgan boʻlsa, qolgan 219tasi koʻrib chiqish jarayonida.

Amudaryo tumanidagi Xalq qabulxonasi xodimlari aholi bilan bevosita muloqot qilish, hayotiy muammolarini tezkorlik bilan hal etish orqali ularning ogʻirini yengil qilishga harakat qilishmoqda. Bu esa yurtdoshlarimizning ertangi kunga boʻlgan ishonchini yanada mustahkamlamoqda.

E.Rajabov, Prezidentning Amudaryo tumanidagi

Xalq qabulxonasi mudiri.