MUHIM MASALALARGA BAGʻIShLANGAN SEMINAR
Joriy yilning 6-avgust kuni tuman hokimligida Oʻzbekiston Respublikasining "Jismoniy va yuridik shaxslarning murojaatlari toʻgʻrisida”gi Qonuni va Vazirlar Mahkamasining 1999-yil 12 yanvardagi "Ijro intizomini mustahkamlash chora-tadbirlari toʻgʻrisida”gi 12-sonli qarori talablari hamda maxfiy hujjatlar bilan ish-lash qoidalarini tushuntirish masalalariga bagʻishlangan amaliy seminar boʻlib oʻtdi.
Seminarda tuman hokimligi masʼul xodimlari, boʻlimlar, korxona, tashkilot, muassasalar, fuqarolarning oʻzini-oʻzi boshqarish organlari rahbarlari, ommaviy axborot vositalari vakillari ishtirok etdilar.
Amaliy seminarni tuman hokimligi tashkiliy-nazorat guruhi rahbari B.Boltaboyev kirish soʻzi bilan ochdi va boshqarib bordi.
Seminarda Qoraqalpogʻiston Respublikasi Vazirlar Kengashining tashkiliy-nazorat guruhi rahbari B.Oʻtegenov soʻzga chiqib, Vazirlar Mahkamasining 1999-yil 12-yanvardagi "Ijro intizomini mustahkamlash chora-tadbirlari toʻgʻrisida”gi 12-sonli qarori talablari asosida ish tashkil qilish boʻyicha tushuncha berdi.
Shundan soʻng Qoraqalpogʻiston Respublikasi Vazirlar Kengashining umumiy boʻlimi boshligʻi B.Yerejepov soʻzga chiqib, "Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunining ijrosini tashkil etish yuzasidan hokimlik, korxona va tashkilotlarda amalga oshiriladigan ishlar toʻgʻrisida, Oʻzbekiston Respublikasi Vazirlar Mahkamasining 2015-yil 31-mart kungi 73-sonli qarori bilan tasdiqlangan "Davlat organlari va davlat muassasalarida jismoniy va yuridik shaxslarning murojaatlari bilan ishlash tartibi toʻgʻrisida namunaviy nizom” asosida ish tashkil qilib, barcha murojaatlar bilan ishlashishni yangidan qabul qilingan qonun talablariga binoan toʻgʻri yoʻlga qoʻyish kabi masalalar boʻyicha keng tushuncha berdi.
Seminar yigʻilishida tuman hokimligi devonxona mudiri X.Yuldashev, "Mahalla” xayriya jamoat fondi tuman boʻlinmasi raisi R.Roʻzmetov, tuman yer tuzish va koʻchmas mulk kadastr xizmati huquqshunosi P.Iskandarov, tuman hokimligi bosh mutaxassisi A.Almuratov, "Xizr eli” MFY masʼul kotibi Sh.Amanov, "Qangli” OFY masʼul kotibi J.Sultanovlar soʻzga chiqishib, koʻrib chiqilayotgan masalalar yuzasidan oʻz fikr va mulohazalarini bildirdilar.
Amaliy seminar yakunida muhokama etilgan masalalar yuzasidan tegishli qaror qabul qilindi.
Tuman hokimligining axborot xizmati.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
