INSON QADR-QIMMATI HAR NARSADAN AZIZ
Xalqimizning faqat oʻzigagina xos oʻzaro mehr-oqibat, hamjihatlik, yaxshi kunlarda doʻst-birodarlarning quvonchiga sherik boʻlishdek olijanob odatlari borki, ular har birimizning hayotimizga oʻziga xos zeb beradi, maʼno-mazmun baxsh etadi.
Men mehnat qilayotgan "Amudaryotex” xorijiy korxonasida 400 nafardan ziyod kishi bir ota-ona farzandlariday ahil mehnat qilishmoqda.
Korxonamiz maʼmuriyati bizning unumli ishlashimiz uchun barcha sharoitlarni yaratib qoʻyibdi.
Bundan tashqari, yilning har bir qutlugʻ kunlarida, bayramlarda ishchi-xizmatchilar korxona maʼmuriyati tomonidan toʻkin dasturxon atrofida mehmon qilinadi, xursandchiligimizni birga baham koʻramiz.
Yaqinda, 8-mart – Xalqaro xotin-qizlar kuni munosabati bilan ham ana shunday fayzli tadbir boʻlib oʻtdi. Ayniqsa, korxona oʻz faoliyatini boshlagan ilk kunlardan ish boshlagan Adolat opa Matkarimovani pensiyaga kuzatish marosimi yosh ishchi-xizmatchilar uchun ibrat namunasi boʻldi.
Opaga korxonamiz bosh direktori Sanjar Vafoyev esdalik sovgʻasini topshirayotib, uzoq umr, baxt-saodat, mustahkam sogʻlik tiladi va barchaga ham eʼzoz-eʼtiborda yurib, pensiya yoshigacha ishlab, korxona nufuzini koʻtarishga hissa qoʻshish nasib etsin, deya taʼkidladi.
Bu biz yoshlarni yanada kuch-gʻayrat bilan mehnat qilishga chorladi.
Men asli Qoʻngʻirot tumanida tugʻilib-oʻsdim. Taqdir taqozosi bilan "Oʻrta qalʼa” ovuliga kelin boʻlib tushganman. Eng zamonaviy texnologiyalar bilan jihozlangan korxonada, ana shunday ajoyib insonlar bilan bir safda mehnat qilayotganimdan judayam xursandman va har bir ish kunim men uchun juda mazmunli oʻtadi.
Nasiba YeMBERGENOVA,
"Amudaryotex” xorijiy korxonasi ishchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
