TUMAN HAFTA IChIDA

16 may.

Mangʻit shahridagi madaniyat va aholi dam olish markazida "Nihol - 2016” koʻrik-tanlovining tuman bosqichi oʻtkazildi.

Estrada va anʼanaviy ijro, musiqa va raqs yoʻnalishlari boʻyicha oʻtkazilgan ushbu koʻrik-tanlovda 17 yoshdan 25 yoshgacha boʻlgan 35 nafar havaskor yoshlar ishtirok etdilar.

Gʻoliblar koʻrik-tanlovning Beruniy tumanida boʻlib oʻtadigan navbatdagi hududiy bosqichiga yoʻllanma oldilar.

16-18 may.

Bolalar-oʻsmirlar sport maktabida sport ustasi XolboyDavletmuratov xotirasiga bagʻishlanib, boks boʻyicha xotira turniri oʻtkazildi.

Qoraqalpogʻiston Respublikasi shahar va tumanlaridan koʻplab yosh bokschilar ishtirok etgan ushbu xotira turnirida umumjamoa hisobida tumanimiz jamoasi birinchi, Qoʻngʻirot tumani jamoasi ikkinchi, Nukus shahri jamoasi esa uchinchi oʻrinni egalladi.

17 may.

11-sonli maktabda "Oila-ma-halla-taʼlim muassasasi”hamkorligi mexanizmini tatbiqetishning amaliy jihatlari”mavzusida oʻquv seminariboʻlib oʻtdi.

Seminarda Qipchoq hududida joylashgan maktablarningmaʼnaviy-maʼrifiy ishlar boʻyichadirektor oʻrinbosarlari, "Daryo boʻyi” mahallasi xodimlari va faollari hamda ota-onalar ishtirok etishdi.

18 may.

Tuman Davlat soliq inspektsiyasida soha xodimlari va tadbirkorlar ishtirokida zamonaviy axborot texnologiyalaridan foydalangan holda soliq toʻlovchilar uchun yaratilayotgan qoʻshimcha qulaylik va imkoniyatlar targʻibotiga bagʻishlangan seminar oʻtkazildi.

Seminarda my.soliq.uz portalining imkoniyatlari xususida soʻz yuritildi.

19 may.

"Choykoʻl” ovulidagi madaniyat va aholi dam olish markazida "Yurt kelajagi” koʻrik-tanlovining tuman bosqichi boʻlib oʻtdi.

Koʻrik-tanlovda 15 yoshdan 25 yoshgacha boʻlgan 370 nafar iqtidorli yoshlar 4 ta yoʻnalish boʻyicha qobiliyatlarini sinovdan oʻtkazdilar.

Hakamlar xulosasiga koʻra, 20 nafar ishtirokchilar gʻolib deb topilib, koʻrik-tanlovning navbatdagi bosqichiga yoʻllanma oldi hamda ularga "Kamolot” YoIH tuman Kengashining diplom va esdalik sovgʻalari topshirildi.

20 may.

Kipchoq ovulidagi 21-sonli Bolalar musiqa va sanʼat maktabida tuman Bandlikka koʻmaklashish markazi tomonidan boʻsh ish oʻrinlari va vakant lavozimlar yarmarkasi oʻtkazildi.

Yarmarkada 42 ta tashkilot oʻzlarining 136 ta boʻsh ish oʻrinlari bilan qatnashdi. 54 nafar ishtirokchilarning 32 nafari ishga joylashish uchun yoʻllanma oldilar.