“KAMOLOT”NING NAVBATDAGI KONFERENTsIYaSI
18-iyun kuni "Kamolot” yoshlar ijtimoiy harakati tuman Kengashining navbatdagiVII Konferentsiyasi oʻtkazildi.
Konferentsiyaga 120 nafar delegat qatnashdi. Konferentsiya avvalida "Kamolot” yoshlar ijtimoiy harakati tuman Kengashining amaldagi raisi, delegat Mansur Oʻrozboyev Harakatning oʻtgan yillar mobaynidagi faoliyati xususida hisobot berdi.
Hisobot yuzasidan soʻzga chiqqanlar "Kamolot”ning yoshlar orasida nufuzi yuksalib borayotganini, Harakatning tuman Kengashi tomonidan oʻtgan yillar davomida yoshlarni vatanparvarlik ruhida kamolga yetkazish, ularni har tomonlama komil insonlar qilib tarbiyalash boʻyicha qator amaliy ishlar qilinganini eʼtirof etdilar.
Soʻngra, "Kamolot” yoshlar ijtimoiy harakati Ustaviga koʻra yangi muddatga tuman Kengashi Nazorat-taftish komissiyasi saylandi hamda 21 kishidan iborat Harakatning tuman Kengashi tarkibi tasdiqlandi.
"Kamolot” yoshlar ijtimoiy harakatining Nizomiga asosan yangi saylangan tuman Kengashi aʼzolari ichidan Kengash raisini saylash masalasi koʻrib chiqildi. Kengash raisligiga amalda "Kamolot”ning tuman Kengashi raisi lavozimida ishlab kelayotgan Mansur Oʻrozboyev yangi muddatga qayta saylandi.
Konferentsiyada shuningdek, "Kamolot” yoshlar ijtimoiy harakati Qoraqalpogʻiston Respublikasi Kengashining navbatdagi VII Konferentsiyasiga tumandan 11 nafar delegatlar saylandi.
Konferentsiyada Qoraqalpogʻiston Respublikasi Vazirlar Kengashi raisi B.Yangiboyev ishtirok etdi va nutq soʻzladi.
Konferentsiyada koʻrilgan barcha masalalar yuzasidan tegishli qarorlar qabul qilindi.
(Oʻz muxbirimizdan).
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
