MAQSADIMIZ – SOGʻLOM TURMUSh TARZINI QAROR TOPTIRISh
Bizning Qilichboy ovulimizda jami aholi soni 5284 nafar boʻlib, oilalar soni 1217 tani tashkil etadi. Ushbu oilalarda 2670 nafar ayol-qiz, 1740 nafar voyaga yetmagan yoshlar istiqomat qiladi.
Oilalarda sogʻlom muhit, mehr-oqibat, oʻzaro hurmat va totuvlik barqaror boʻlmogʻi, farzandlarimizni yoshligidan halol yashashga oʻrgatish, saranjom-sarishtalik - bularning barchasi mahalladagi sogʻlom turmush tarzini qaror toptirishda muhim omillardan biri hisoblanadi.
Har bir oilaga kirib, aholi salomatligidan xabardor boʻlib, oilaning ijtimoiy-maʼnaviy muhitini yaxshilash ishlarini tizimli olib borayotgan "Salomatlik sektori” aʼzolarimiz, mahalla faollarimiz bilan haftaning belgilangan kunida reja asosida ish olib borishmoqda. Yoshlarni oilaga tayyorlash, sogʻlom turmushni keng targʻib qilish maqsadida yigʻin huzuridagi "Orasta qizlar” davrasi aʼzolari bilan mahallalarimizda "Eng gulzor oila”, "Eng sarishtali xonadon” kabi tadbirlarimiz mahallalarni obodonlashtirish va sanitariya holatini yaxshilashda sezilarli taʼsir oʻtkazmoqda. Yigʻin huzuridagi "Xotin-qizlar bilan ishlash komissiyasi”, "Maʼnaviyat-targʻibot komissiyasi” "Yarashtirish komissiyasi”, "Voyaga yetmaganlar, yoshlar va sport masalalari boʻyicha komissiyasi” aʼzolari bilan hamkorlikda sogʻlom turmush tarzini shakllantirishda keng koʻlamli chora-tadbirlarni amalga oshirmoqdamiz. Jumladan oilalarda oilaviy munosabatlar madaniyatini yuksaltirish, oqilona hayot tarzini tashkil etish, aholining farovonlik darajasini oshirish, oila byudjetini toʻgʻri taqsimlash, toʻgʻri va sifatli ovqatlanish, spirtli ichimliklar ichishni, giyohvandlikni, chekishni qatʼiyan man etish, sport bilan muntazam shugʻullanish kabi muhim masalalar boʻyicha aholi va yoshlar orasida targʻibot ishlari amalga oshirilmoqda.
Hududda aholini, ayniqsa xotin-qizlar va yoshlarni sportga ommaviy jalb qilish, uy bekalarini jalb qilgan holda oilaviy sport musobaqalarini tashkil etish ishlari yaxshi yoʻlga qoʻyilgan. Har yili mahallamizda "Otam, onam va men – sportchi oilamiz”, "Biz – aql idrokli oilalarmiz”, "Futbolimiz kelajagi” nomli sport musobaqalari muntazam oʻtkazilib, musobaqa ishtirokchilari tuman va Respublika bosqichlarida faxrli oʻrinlarni egallab kelmoqdalar.
Oilalarda sogʻlom turmush tarzi asosida hayot kechirishni shakllantirishimiz kerak. Chunki, millatning jismoniy va maʼnaviy sogʻlomligi jamiyatimiz sogʻligidir. Maqsadimiz – har bir oilada sogʻlom turmush tarzi barqarorligiga erishishdan iborat.
Raʼno JUMANIYoZOVA,
Qilichboy OFY diniy maʼrifat va maʼnaviy-axloqiy tarbiya masalalari boʻyicha maslahatchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
