BOLA TENGDOShLARIGA HAVAS QILIB YaXShI TOMONGA OʻZGARADI
Bolalar – bizning kelajagimiz, ertangi kunimiz davomchilari. Namunali xulq-atvorga ega farzandi bilan ota-ona bilan birga har bir mahalladoshi, ustoz-murabbiylari, doʻstlari ham faxrlanib yurishadi.
Lekin baʼzan bilib-bilmay huquqbuzarliklar sodir etgan bolalar bilan ishlashishimizga toʻgʻri keladi. Tuman IIB huquqbuzarliklarning oldini olish guruhi voyaga yetmaganlar oʻrtasida nazoratsizlik va huquqbuzarliklar profilaktikasi guruhida 8 nafar voyaga yetmagan oʻsmirlar hisobda turadi. Yozgi taʼtil kunlarida IIB nozirlari bu bolalar tarbiyasi bilan jiddiy shugʻullanishdi. Ularning boʻsh vaqtlarini mazmunli oʻtkazishlari, sport bilan shugʻullanishlari va har xil toʻgaraklarga muntazam qatnashishlari uchun sharoitlar yaratildi. "Kamolot” YoIH tuman Kengashi mutaxassislari bilan hamkorlikda mahallalarda, oilalarda suhbatlar, maʼnaviy-maʼrifiy tadbirlar oʻtkazildi.
Nafaqat profilaktik hisobda turuvchi voyaga yetmaganlar, balki tumanimiz mahallalarida yashovchi barcha oilalardagi oʻsmir bolalarning yozgi taʼtil davrida boʻsh vaqtlarini qanday oʻtkazayotganlari guruhimiz tomonidan doimiy nazorat qilib borildi. Natijada koʻpchilik mahallalarda ota-onalar farzandlariga toʻgaraklarda qatnashishga ruxsat berishmayotganlari aniqlandi. Koʻpchilik holatlarda ota-ona tomonidan nazoratsiz qolgan, qayerda, nima ishlar bilan shugʻullanayotgani surishtirilmagan oʻsmirlarning, choʻmilish taʼqiqlangan hududlarda choʻmilayotgan holatlari aniqlandi va bunga oʻz vaqtida chek qoʻyildi. Ayniqsa, huquqbuzarlik sodir etgan bolaning xulqi ota-onasi, ustozi va mahalla faollari oldida muhokama etilib, izza qilinishi yaxshi natijalar bermoqda.
Guruhimiz xodimlari "Kamolot” YoIH tuman Kengashi, OFY va MFYlar huzuridagi Voyaga yetmaganlar bilan ishlashish komissiyalari bilan hamkorlikda oʻtkazgan "Yoz – oʻtmoqda soz”, "Yoz - 2016” tadbirlarida minglab oʻsmir-yoshlar ishtirok etishdi. Ana shu tadbirlar doirasidagi turli sport musobaqalari, toʻgaraklar mashgʻulotlari, nazarimda oʻsmir-yoshlarimiz uchun yozgi taʼtil paytida ham jismonan, ham aqlan toblanish pallasi boʻldi.
Mana, yozgi taʼtil payti ham tugab, barcha oʻquv maskanlarida yangi oʻquv yili boshlandi. 2016-2017 oʻquv yilining har qachongidan ham muvaffaqiyatli oʻtishi uchun guruhimiz nozirlari "Oʻquvchi”, "Davomat” tadbirlarini hozirdanoq boshlab yuborishdi.
Temirboy AKIMNIYoZOV,
tuman IIB inspektori, katta serjant.
(Foto - http://fikr.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
