EʼLONLAR
Hurmatli yurtdoshlar! Oʻzbekiston Respublikasi Prezidentining 2016-yil 21-oktyabrdagi "2017-2021-yillarda qishloq joylarda yangilangan namunaviy loyihalar boʻyicha arzon uy-joylar qurish dasturi toʻgʻrisida”gi qarori asosida tumanimizda 2017-yilda 122 ta yangi uy-joylar qurilishi rejalashtirilmoqda.
Yangi uy-joy egalariga qator imtiyozlar beriladi. Jumadan, 2009-yilda qabul qilingan Qishloq joylarda namunaviy loyihalar boʻyicha yakka tartibda uy-joylar qurish Dasturi doirasida uy quruvchining dastlabki badali 25 foizni tashkil etgan boʻlsa, yangi Dastur boʻyicha ushbu badal birinchi va ikkinchi turdagi uylarni quruvchilar uchun atigi 15 foizni tashkil etadi.
Bundan tashqari, ipoteka krediti uch yillik imtiyozli davr va birinchi 5-yil mobaynida yillik 7 foiz miqdoridagi foiz stavkasi bilan 15-yil muddatga beriladi. Keyingi yillarda kreditning foiz stavkasi Markaziy bankning hozirgi vaqtda yillik 9 foizni tashkil etadigan qayta moliyalashtirish stavkasidan ortiq boʻlmaydi.
Bundan tashqari, koʻrsatib oʻtilgan koʻp kvartirali uylarni qurishda kvartiralar egalarining ehtiyojlarini qondirish maqsadida hovlida joylashtiriladigan imoratlar – bolalar maydonchalari, dam olish uchun ayvonlar, dush va boshqa qoʻshimcha binolar barpo etish nazarda tutiladi.
Aziz yurtdoshlar! Siz ham mana shunday arzon, obod, ixcham va qulay, zamonaviy koʻrinishdagi uy-joylarga ega boʻlishni xohlasangiz, tuman hokimligining 515-34-49 telefon raqamiga murojaat qiling!
Aziz yurtdoshlar! Oʻzbekiston Respublikasi Prezidentining 2014-yil 6-fevralidagi "Oʻzbekiston Respublikasida yoshlarga oid davlat siyosatini amalga oshirishga qaratilgan qoʻshimcha chora-tadbirlar toʻgʻrisida”gi Qarori ijrosini taʼminlash maqsadida tumanimizning "Gulzor” mahallasidagi "Kamolot” shaharchasi”da 2017 yilda yana bitta "Kamolot uyi”ni qurish rejalashtirilmoqda.
4-qavat, 48 ta xonadonga moʻljallangan ushbu "Kamolot uyi”dagi xonadonlar Oʻzbekiston Respublikasi Vazirlar Mahkamasining 2014-yil 8 sentyabrdagi "Mamlakatning ijtimoiy hayotida faol qatnashayotgan yosh oilalarni uy-joy bilan taʼminlashni yanada qoʻllab-quvvatlash chora-tadbirlari toʻgʻrisida”gi qaroriga muvofiq fan, sanʼat, adabiyot, sport sohasida va boshqa sohalarda yuksak natijalarga erishgan yosh oilalarga beriladi.
"Kamolot uyi”dan xonadon olishni istasangiz, "Kamolot” yoshlar ijtimoiy harakati tuman Kengashiga murojaat qiling. Qoʻshimcha maʼlumotlarni 515-36-40 telefon raqamiga qoʻngʻiroq qilib, bilib olishingiz mumkin.
"Kamolot” YoIH tuman Kengashi.
(Foto - http://soliqmaslahati.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
