SAYLOVNI UYuShQOQLIK BILAN OʻTKAZAMIZ
Bizning 55-sonli maktabimizda joylashgan Oʻzbekiston Respublikasi Prezidenti saylovini oʻtkazuvchi 87-sonli saylov uchastkamizda 2515 nafar saylovchilar ovoz berishadi. Ayni kunda tobora yaqinlashib kelayotgan saylovni uyushqoqlik, hamjihatlik va faollik bilan oʻtkazish uchun targʻibot-tashviqot ishlarini kun sayin kuchaytirmoqdamiz.
Saylov kuni barcha saylovchilarning saylov uchastkamizga kelib, oʻzlari tanlagan munosib nomzodga ovoz berishlariga erishish uchun aholi xonadonlariga kirib, tushuntirish ishlarini olib borayapmiz. Shuningdek, hududimizda saylov uchastkasiga ovoz berishga kela olmaydigan 9 nafar nogiron va bemor saylovchilar aniqlanib, ularning yashash joylarida ovoz berishlarini tashkil etish boʻyicha barcha chora-tadbirlarni koʻrib qoʻydik.
Shu kungacha Oʻzbekiston Respublikasi Prezidentligiga nomzodlarning plakatlari aholi gavjum joylarga ilib qoʻyildi va ular haqidagi maʼlumotlar bilan saylovchilarning xabardorligi taʼminlandi.
Ayni kunlarda saylov kunida saylovchilarga ovoz berish tartibi, har bir saylovchi faqat bir ovoz berishga haqli ekanligi, bu boradagi amaldagi huquqiy-meʼyoriy hujjatlarning mazmun-mohiyatini tushuntirayapmiz.
Saylov kunida saylov uchastkamizda saylovchilarning emin-erkin oʻz tanlagan nomzodlariga ovoz berishlariga erishish uchun barcha sharoitlar yaratildi. Ovoz berish xonalari, saylov qutisi taxt qilinib, tibbiyot xonasi, ona-bola xonasi talab darajasida jihozlandi.
Shuningdek, saylov kuni uchastkada ovoz berish jarayonida favqulodda koʻngilsiz hodisalar roʻy bermasligi uchun elektr energiyasi, tabiiy gaz tarmogʻining yaroqlilik holati nazoratdan oʻtkazildi, aniqlangan kamchiliklar bartaraf qilindi.
Maqsadimiz – 4 dekabr kungi Oʻzbekiston Respublikasi Prezidenti saylovini ochiqlik, oshkoralik ruhida uyushqoqlik bilan oʻtkazishga erishish.
Shukurjon XOLMUROTOVA, Oybek nomli MFY raisi, 87-sonli uchastka saylov komissiyasi raisi oʻrinbosari.
(Foto - OʻzA)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
