DEPUTATLAR UChUN OʻQUV SEMINARI OʻTKAZILDI
2017-yil 22 aprel kuni tuman hokimligida "Xalq deputatlari tuman, shahar Kengashlari ishini tashkil etish masalalari” mavzusida oʻquv-seminari oʻtkazildi.
Seminarda Qoraqalpogʻiston Respublikasi Joʻqorgʻi Kengesi deputati Xalilla Yeshimbetov, tuman Kengashi deputatlari, tuman hokimligi masʼullari va siyosiy partiyalar vakillari ishtirok etdi.
Seminarni tuman hokimligi tashkiliy-nazorat guruhi rahbari B.Baltabayev kirish soʻzi bilan ochdi va olib bordi.
Seminar Oʻzbekiston Respublikasi Prezidentining 2017-yil 7-fevraldagi "Oʻzbekiston Respublikasini yanada rivojlantirish boʻyicha Harakatlar strategiyasi toʻgʻrisida”gi PF-4947-sonli Farmoni bilan tasdiqlangan Davlat Dasturining "Demokratik islohotlarni chuqurlashtirish va mamlakatni modernizatsiya qilishda Oliy Majlis, siyosiy partiyalarning rolini yanada kuchaytirish” deb nomlangan bandining ijrosini taʼminlash, xalq deputatlari tuman va shahar Kengashi deputatlarining bilim va koʻnikmalarini yanada oshirish maqsadida tashkil qilindi.
"Xalq deputatlari tuman, shahar Kengashlari ishini tashkil etish masalalari” mavzuidagi oʻquv-seminaridaQoraqalpogʻiston Respublikasi Joʻqorgʻi Kengesi deputati Xalilla Yeshimbetov maʼruza qildi. Maʼruzada yurtimizda davlat va jamiyatning barcha sohalarini yanada demokratlashtirish, davlat organlari faoliyatining ochiqligini taʼminlash, mansabdor shaxslarning xalq oldida masʼuliyatini yanada oshirish, bu boradagi ishlar ustidan samarali deputatlik va jamoatchilik nazoratini yoʻlga qoʻyish boʻyicha amalga oshirilayotgan ishlar xususida soʻz bordi.
Deputatlar eʼtiboriga mahalliy vakillik organlari faoliyatini yanada jonlantirish, deputatlarning saylovchilar bilan aloqalarini yanada jipslashtirish, deputatlik masʼuliyatini oshirish boʻyicha qonun hujjatlariga kiritilishi rejalashtirilayotgan oʻzgartish va qoʻshimchalar haqida keng turda maʼlumot berildi.
Maʼruza yuzasidan oʻtkazilgan muzokaralarda tuman Kengashi deputatlaridan S.Xoʻjamurotova, Sh.Yangiboyeva, R.Oʻrozboyev, M.Jumatov, O.Yoʻldoshov, Gʻ.Yeshniyozovlar ishtirok etib, kun tartibidagi masala boʻyicha oʻz fikr va mulohazalarini bayon qildilar.
Oʻquv seminari soʻngida deputatlar oʻzlarini qiziqtirgan savollarga javob oldi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
