Tuman hokimi hududlarga tashrif buyurib, aholi bilan muloqot qildi

2017 yilning "Xalq bilan muloqot va inson manfaatlari yili” deb eʼlon qilinishi munosabati bilan Amudaryo tumani hokimi hududlarga tashrif buyurib, aholi bilan muloqot qildi.

Tuman hokimi Sultonboy Yoʻldoshev "Olmazor” mahallasida boʻlib, aholi xonadonlariga tashrif buyurdi. Tashrif davomida mahalla hududini obodonlashtirish, aholi tomorqalaridan samarali foydalanishning ahvoli oʻrganildi. Xalq bilan samimiy muloqot qilinib, savollariga javoblar berildi.

Xalqimizda azaldan mahalla-koʻy ozodalagi, hududlar orastaligini taʼminlashga alohida eʼtibor qaratib kelinadi. Ayniqsa, bu anʼana shodiyonalar arafasida tashkil etilishi yurtimiz fayziga fayz qoʻshish bilan birga, bayramni munosib kutib olishda ham muhim ahamiyat kasb etadi.

Oʻzbekiston Respublikasi Vazirlar Mahkamasining farmoyishiga muvofiq, mamlakatimizda mart-aprel oylari obodonlashtirish va tozalik oyliklari deb eʼlon qilingan edi. Shunga muvofiq tuman hokimligi tomonidan tuzilgan reja asosida mamlakatimiz mustaqilligining 26 yilligi oldidan tozalik va obodonlashtirish ishlari koʻlamini yanada kengaytirish, muassasa, korxona va tashkilotlar hududini obodonlashtirish boʻyicha amalga oshirilayotgan ishlarni oʻrganish maqsadida koʻrgazmali seminarlar oʻtkazilmoqda.

Olmazor mahallasi hududida ham shu kabi seminar oʻtkazildi. Unda taʼkidlanganidek, oʻzaro ahillik, birdamlik, yaratish va yashnatish ishtiyoqida yashayotgan xalqqimiz qutlugʻ sana munosabati bilan yurtimizning har bir qarich yerini obod maskanga aylantirishga bel bogʻlagan. Bu esa yurtimiz obodligi va turmushimiz farovonligiga munosib hissa boʻlib qoʻshiladi.

Koʻrgazmali seminarda mahalla hududida joylashgan aholi xonadonlari, uy oldi tomorqa yerlari, hududdagi ijtimoiy infratuzilma inshootlari holati koʻzdan kechirildi.

Hokim va tuman faollari mahalla hududida joylashgan "Barkamol avlod” bolalar markazida boʻlib, markaz faoliyati bilan yaqindan tanishdilar. Bu yerda muassasa hududining obodonlashtirilishi, fan xonalarining bezatilishi koʻzdan kechirildi.

Tuman elektr taʼminoti korxonasida ham shu kabi seminar oʻtkazilib, korxona hududini obodonlashtirish, tashrif buyuruvchilar va ishchilar uchun zarur sharoitlar yaratish boʻyicha amalga oshirilgan ishlar koʻzdan kechirildi.