YaNGI OʻQUV YILI YaNGIChA ShAROITDA
Biz taʼlim tizimi xodimlari uchun juda hayajonli va quvonchli damlar tobora yaqinlashmoqda, yangi oʻquv yili ostonasida turibmiz.
Har bir taʼlim muassasasida bu kunga ulkan tayyorgarliklar koʻriladi va munosib nishonlanadi.
Bizning 20-sonli maktabimiz oʻqituvchilari va oʻquvchilari uchun 2017-2018 oʻquv yili oʻziga xos taassurotlar bilan boshlanishi tabiiy. Chunki 1966-yilda qurilib, foydalanishga topshirilgan maktabimiz binosi bu yil kapital taʼmirlanib, zamonaviy qiyofaga kirdi. Bino atrofi, sinfxonalar toʻla taʼmirlanib, oʻqituvchilarning darslarni bugungi kun talablari asosida olib borishlariga sharoitlar yaratildi. 550 mln. 191 ming soʻmlik mablagʻ evaziga "Amudaryo maxsus qurilish” MChJ quruvchilari tomonidan amalga oshirilgan buningdek bunyodkorlik ishlari maktabimiz oʻqituvchilari va oʻquvchilariga juda manzur boʻldi.
Ayni kunda maktabimizda 58 nafar oliy maʼlumotli oʻqituvchilar ovulning 614 nafar oʻgʻil-qizlariga taʼlim-tarbiya berishmoqda.
Tabiiyki, joriy oʻquv yili oldidan maktabimizning sifatli taʼmirlanib, qulay sharoitlar yaratilganligi ularni yanada unumli ishlashga undaydi.
Erkin QURBONBOYeV,
20-sonli maktab direktori.
Investitsiya dasturiga muvofiq 670 mln. 438,5 ming soʻmlik mablagʻ evaziga kapital taʼmirlangan 26-sonli maktab binosi yangi oʻquv yiliga shay qilindi.
Maktabning 1-sinfiga yangi oʻquv yili uchun 54 nafar oʻquvchi qabul qilindi.Shuningdek, oʻtgan 2016-2017 oʻquv yilida mazkur maktabning 9-sinfini tugatgan 24 nafar oʻquvchi 10-sinfda oʻqishni davom ettiradi.
Suratda: maktabning tashqi koʻrinishidan bir lavha.
M.ShOMURODOV
olgan surat.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
