Maktablarni yangi oʻquv yiliga tayyorlash boʻyicha “Namunali maktab” koʻrgazmasi oʻtkazildi
Ayni kunlarda taʼlim muassasalarida yangi oʻquv yiliga tayyorgarlik ishlari qizgʻin davom etmoqda. Oʻquv binolari taʼmirlanib, maktab hududi obodonlashtirilishidan tashqari, oʻquv jarayonlari uchun zarur boʻladigan jihoz va ashyolarni ham tayyorlab qoʻyishga eʼtibor qaratilmoqda.
22-iyun kuni 40-sonli umumtaʼlim maktabida yangi 2018-2019- oʻquv yiliga tayyorgarlik boʻyicha harakat dasturining ijrosi yuzasidan koʻrgazma tashkil etildi. Tumandagi taʼlim muassasalarida yangi oʻquv yiliga tayyorgarlik ishlarini oʻz vaqtida sifatli taʼminlash hamda bu boʻyicha taʼlim sifatini nazorat qilish Davlat inspektsiyasi Qoraqalpogʻiston Respublikasi boʻlimi va xalq taʼlimi Vazirligining tegishli topshiriqlarini ijro etish maqsadida tashkil etilgan “Namunaviy maktab” koʻrgazmasida tuman Xalq taʼlimi boʻlimi mudiri Otabek Yoʻldoshev, boʻlim mutaxassislari, 4-sektor hududida joylashgan maktablar direktorlari va oʻqituvchilari qatnashdilar.
Koʻrgazmada oʻquv-seminar tashkil etilib, unda XTB mudiri Otabek Yoʻldoshev harakat dasturida belgilangan vazifalar bilan bir qatorda, maktabni yangi oʻquv yiliga tayyorlash borasidagi asosiy masalalarga toʻxtalib oʻtdi. Oʻquv binolarini taʼmirlash va maktabni obodonlashtirish bilan birga sinf xonalarini zarur jihozlar bilan taʼminlash, darsliklarni, oʻqituvchilarning uslubiy qoʻllanmalarini tayyorlash, oʻquv jarayonlarining pedagogik va metodik taʼminotini yaxshilash, axborot-kommunikatsion texnikalardan samarali foydalanishni yoʻlga qoʻyish zarurligini aytib oʻtdi.
Oʻquv-seminar davomida kimyo, biologiya, fizika va informatika fanlari boʻyicha maktab fan oʻqituvchilari tomonidan tayyorlangan laboratoriya mashgʻulotlarida zarur jihozlardan foydalanish boʻyicha taqdimotlar oʻtkazildi. Shuningdek, oʻquv yiliga tayyor qilingan fan va sinf xonalari, maktab kutubxonasi holati bilan tanishildi.
Koʻrgazma ishtirokchilari yangi oʻquv yiliga tayyorgarlik yuzasidan mulohazalarini bildirib, tegishli takliflar kiritdilar va oʻz oʻrnida namuna ham oldilar.
O. Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
