“Barkamol avlod” bolalar markazida yangi oʻquv yili oldidan Respublika boʻyicha anʼanaviy avgust seminari boʻlib oʻtdi

Seminar “2018-2019  oʻquv  yilida “Barkamol  avlod” bolalar  markazlari oldida  turgan  dolzarb vazifalar” mavzusida Respublika  “Barkamol avlod” bolalar  markazi  tomonidan tashkil qilindi.

Seminar dastlab tumanimizdagi “Barkamol avlod” bolalar markazi tomonidan tayyorlangan  kontsert  dasturi hamda  koʻrgazma  namoyishi bilan boshlandi.

Qoraqalpogʻiston miqyosidagi bunday katta tadbirning aynan Amudaryo tumani “Barkamol avlod” bolalar markazida tashkil qilinayotgani bejiz emas. Sababi, oʻtgan oʻquv yili yakunlariga koʻra, oʻquvchilar qoʻlga kiritayotgan yutuqlar, oʻqituvchi va murabbiylarning boy tajribasi va maktab maʼmuriyatining ishni toʻgʻri yoʻlga qoʻygani sababli ushbu taʼlim muassasi Respublikada  eng namunali  deb  topilgan edi. 

Aytish joizki, Uzbekiston Reskasi Vazirlar Mahkamasining 2011-yil 28-fevralda qabul qilingan “Maktabdan tashqari taʼlim tizimini yanada takomillashtirish chora-tadbirlari toʻgʻrisida”gi 50-sonli qarori asosida tashkil qilingan mazkur markazda bolalarning oʻz iqtidor va qobiliyatlarini toʻliq roʻyobga chiqarishlari uchun barcha sharoitlar muhayyo.

Markazda yoshlarning maktabdan boʻsh vaqtlarini bekor oʻtkazmasliklari uchun, hamda kelajakda vatanimiz koriga yaraydigan yetuk kasb egalari boʻlib yetishishlari uchun boshlangʻich kasbiy malaka beriladi. Muassasada bugungi kunda mingga yaqin oʻquvchi boshlangʻich kasb va hunar oʻrganayapti.

Shuningdek badiiy ijodiyoti, boshlangʻich texnika ijodiyoti va ekologiya va oʻlkashunoslik yoʻnalishlaridagi 40 ga yaqin toʻgaraklardagi olib borilayotgan namunali ish faoliyatlari oʻz natijalarini koʻrsatmoqda. Ekologiya va oʻlkashunoslik yoʻnalashining “Yosh ekolog” va “Yosh oʻlkashunos” toʻgaraklarining oʻquvchilari, boshlangʻich texnik ijodiyoti yoʻnalashining “Boshlangʻich texnik modellashtirish” va “Karving” toʻgaraklari hamda badiiy ijodiyoti yoʻnalishining “Doira” , “Yumshoq oʻyinchoqlar” va “Yosh jurnalist va notiq”  toʻgaraklari Oʻzbekiston Respublikasining markazi “Barkamol avlod” bolalar markazining uyushtirgan koʻrik tanlovlarida faol va muvaffaqiyatli qatnashib kelmoqdalar. Markaz yoshlari ushbu tanlovlarda yaxshi natijalarga erishib, Qoraqalpogʻiston Respublikasidan gʻoliblikni qoʻlga kiritib, Oʻzbekiston Respublikasi bosqichida ham diplom va faxriy yorliqlar bilan taqdirlanib, tumanimiz sharafini himoya qilib kelmoqdalar.

Seminar ishtirokchilari “Barkamol  avlod” bolalar  markazlari  direktori,  direktor  oʻrinbosarlari  va  uslubchilar sifatida guruhlariga boʻlingan holda mashgʻulotlarda qatnashdilar.

Seminar  davomida  yangi  oʻquv  yilida “Barkamol avlod” bolalar  markazlari  oldida  turgan  vazifalar,  hujjatlar  bilan  ishlashish  hamda  ularning  yuritilishini  nazoratga  olish  yuzasidan  fikrlar almashildi.  Shuningdek  “Barkamol  avlod”  bolalar markazlarining  Respublika  miqyosida  oʻtkazib  kelinayotgan  koʻrik-tanlovlardagi ishtiroki  toʻgʻrisida  soʻz yuritildi.   

Seminar  yakunida  tumanimizdagi “Barkamol  avlod” bolalar  markazi  direkotri Xonimjon Rajabova  Qoraqalpogʻiston  Respublikasi Xalq  taʼlimi  vazirligining  faxriy  yorligʻi  bilan  taqdirlandi.