SOHA PIVOJIGA MUHIM EʼTIBOP

Hozirgi kunda mamlakatimizda taʼlim sifati va samaradorligini oshirish maqsadida bir qancha ishlar amalga oshirilmoqda. Jumladan, muhtaram Prezidentimiz tomonidan taʼlim tizimini yanada takomillashtirish yuzasidan berilayotgan topshiriqlar ijrosini taʼminlash maqsadida umumiy oʻrta taʼlim maktablari oʻqituvchilariga muntazam ravishda amaliy-metodik yordam koʻrsatish, ularning pedagogik mahoratini va kasbiy malakasini oshirib borish, zamonaviy pedagogik va axborot – kommunikatsiya texnologiyalaridan keng foydalangan holda oʻqitishning ilgʻor uslublarini dars jarayonlariga tatbiq etish, aniq, tabiiy, ijtimoiy va filologiya fanlari oʻqituvchilari uchun doimiy harakatdagi oʻquv seminarlarini oʻtkazib borishni tashkil etish maqsadida tumanimizda 6 ta maktab tayanch maktabi etib belgilandi.

Tumanimizdagi 40- va 30-sonli maktablarda matematika va informatika fanlari boʻyicha tashkil etilgan tayanch maktablariga 220 nafar oʻqituvchi jalb etilgan. 150 nafar matematika fani oʻqituvchisi jalb etilgan matematika fani boʻyicha tayanch maktabida 40-sonli maktabdan Sherzod Ashirov, 31-sonli maktabdan Gʻulom Yusupov, 18-sonli maktabdan Nodira Otajonova, 22-sonli maktabdan Payhon Yoʻldoshevalar, 70 nafar informatika fani oʻqituvchisi jalb etilgan informatika fani boʻyicha tayanch maktabida 22-sonli maktabdan Sanobar Seyitova va 26-sonli maktabdan Akbarali Shomurodovlar oʻz bilim va mahoratlarini hamkasblariga amaliy metodik yordam koʻrsatishni yanada yaxshilashga safarbar etmoqdalar.

Bu tayanch maktablarida matematika va informatika fanlari oʻqituvchilari uchun har oyda ikki marta oʻquv seminarlari oʻtkazilib, ularda fan va taʼlim yangiliklari, taʼlim tizimida axborot-kommunikatsiya texnologiyalarini keng joriy qilish va yangi innovatsion loyihalarni tatbiq qilish masalalari boʻyicha keng turda maʼlumotlar va koʻrsatmalar berib boriladi.

Belgilangan reja asosida tayanch maktabiga biriktirilgan fan metodistlari, trener-oʻqituvchilar, tayanch maktabi direktorlari Pespublika taʼlim markazi tomonidan oʻtkazilgan video-seminarlarda faol ishtirok etishib, olgan bilim va koʻnikmalarini tuman maktablari oʻqituvchilariga oʻz vaqtida yetkazmoqdalar.

Oʻquv-seminarlarida Pespublika taʼlim markazi tomonidan taqdim etilgan oʻquv materiallari, murabbiylar tomonidan tayyorlangan oʻquv materiallari, ilgʻor, tajribali oʻqituvchilarning tajribalari tayanch maktabi oʻqituvchilariga oʻz vaqtida yetkazib borilmoqda.

Tayanch maktablarimizda oʻqituvchilar uchun zarur shart-sharoitlar yaratilmoqda, metodik xonalarda oʻquv-metodik qoʻllanmalar, metodik tavsiyalar, taʼlim sohasiga oid huquqiy-meʼyoriy hujjatlar, ilgʻor tajribalardan namunalar tashkil etilmoqda.

Shuningdek, taʼlim tizimida axborot-kommunikatsiya texnologiyalarini keng joriy qilish, yangi innovatsion loyihalarni tatbiq qilish yoʻlga qoʻyilmoqda. Bunga misol sifatida xt.uzedu.uz saytini koʻrsatishimiz mumkin. Bu saytda oʻqituvchi va oʻquvchilar haqidagi barcha maʼlumotlarni koʻrish mumkin.

Bunday yangiliklarning tizimga kirib kelishi, albatta, soha rivojida muhim ahamiyat kasb etadi.

Pufat MATQUPBONOV, tuman Xalq taʼlimi boʻlimi

aniq fanlar boʻyicha metodisti.