MAMLAKATIMIZDA BALIQChILIK KLASTEPLAPI TAShKIL ETILADI

Xalqimizni xavfsiz, ekologik toza va toʻyimli oziq-ovqat mahsulotlari bilan taʼminlashni yaxshilash, baliqchilikni daromadli sohaga aylantirish, tarmoqni jadal rivojlantirishga zamonaviy va innovatsion uslublarni joriy etish maqsadida 2018-yil 6-noyabr kuni Prezidentimizning “Baliqchilik sohasini yanada rivojlantirishga doir qoʻshimcha chora-tadbirlar toʻgʻrisida”gi Qarori qabul qilindi. Mazkur Qaror sohani yanada rivojlantirish boʻyicha muhim hujjat boʻldi.

Qarorga muvofiq endilikda baliqchilik xoʻjaliklari bosqichma-bosqich intensiv usulda baliq yetishtirishga ixtisoslashtiriladi.

Toʻliq tizimli inkubatsiya tsexi, chavoq va tovar baliq yetishtirish, yuqori oqsilga boy baliq yemi, qayta ishlash va saqlashni oʻz ichiga olgan ishlab chiqarishga ixtisoslashtirilgan baliqchilik klasterlarini tashkil etgan tadbirkorlik subʼektlari, agar yillik baliq yetishtirish quvvatini kamida 50 tonnaga yetkazsa, ular 2019-yilning 1-yanvaridan boshlab, dastlabki uch yilda barcha soliqlar va davlat maqsadli jamgʻarmalariga majburiy ajratmalardan ozod etiladi.

Shuningdek, 2021-yil 1-noyabrga qadar boʻlgan muddatda naslli ona baliq, baliq uvildirigʻi, respublikada ishlab chiqarilmaydigan inkubatsiya, laboratoriya, intensiv usulda baliq yetishtirish, baliq ovlash, baliq mahsulotlarini qayta ishlash, muzlatish va saqlash uchun zarur boʻladigan asbob-uskuna, anjom, mexanizmlarni va ularning ehtiyot qismlari, muqobil energiya taʼminoti uskunalari va tirik baliq tashuvchi transport vositalari chetdan keltirilganda bojxona toʻlovlaridan ozod etiladi.

Qarorga muvofiq baliqchilik xoʻjaliklari ehtiyoji uchun tadbirkor tomonidan chetdan keltiriladigan omuxta yem, mineral oʻgʻitlarga ham shu tartib qoʻllaniladi.

Yangidan tashkil etiladigan sunʼiy suv havzalarida baliq yetishtirish boʻyicha loyihalarga yer uchastkalari faqatgina intensiv usul va resurs tejamkor texnologiyalar qoʻllanganda, suv bilan kafolatli taʼminlash va yerlarning meliorativ holatiga salbiy taʼsiri yoʻqligi boʻyicha Oʻzbekiston Pespublikasi Suv xoʻjaligi vazirligining xulosasi asosida ajratiladi.

Bir soʻz bilan aytganda, shu yil 6-noyabrda qabul qilingan “Baliqchilik sohasini yanada rivojlantirishga doir qoʻshimcha chora-tadbirlar toʻgʻrisida”gi Qarori sohaning tezkor rivojlanishini taʼminlaydigan muhim asosdir.

Abduqodir TILOVMUPODOV, Turkmaniston MMTP raisi,

Xalq deputatlar tuman Kengashi deputati.