TADBIPLAP OʻQUVChILAP FAOLLIGINI OShIPIShGA XIZMAT QILMOQDA

31-sonli umumtaʼlim maktabida oʻquvchilarni chuqur ilm olishga ragʻbatlantirish, faolligini oshirish maqsadida turli maʼnaviy-maʼrifiy tadbirlar oʻtkazilib turiladi. Yuqori sinflar oʻquvchilari orasida “Kim boʻlsam ekan?”, “Kasb insonni kamolotga eltadi” kabi kasb tanlashga oid, shuningdek muhim sanalarga bagʻishlangan tadbirlarda oʻquvchilarimiz oʻzlarining bu borada qanchalik bilimga ega ekanliklarini namoyish etmoqdalar.

1-dekabr – qoraqalpoq tiliga davlat tili maqomi berilgan kun munosabati bilan oʻtkazilgan “Til – millat koʻrki” deb nomlangan maʼnaviy-maʼrifiy tadbir oʻquvchilarda chuqur taassurotlar qoldirdi va ular koʻnglida qoraqalpoq tilini chuqur oʻrganishga, shu tilda yozilgan badiiy asarlarni koʻp mutolaa qilishga ragʻbat uygʻotdi.

Ayni kunlarda barchamiz orziqib kutayotgan yangi yil bayramini munosib nishonlashga qizgʻin hozirlik koʻrmoqdamiz.

Maktabimiz badiiy havaskorlari ijrosida tayyorlanayotgan maxsus bayram dasturida yakunlanayotgan yilda samarali mehnat qilib, yutuqlarga erishgan oʻqituvchilarni, shuningdek, fanlarni yaxshi oʻzlashtirib, tengdoshlariga namuna boʻlayotgan oʻquvchilarni ragʻbatlantirishni ham rejalashtirib qoʻyibmiz.

Oʻtkazilayotgan tadbirlarimiz oʻquvchilar faolligini oshirishga xizmat qiladi, albatta.

Maxsuda  XUDOYoPOVA, 31- sonli maktab

direktori oʻrinbosari.