17-may sanasigacha 37 ta OFY va MFYlarda fuqarolar yigʻini raisi (oqsoqoli) saylovi yakunlandi

ShU KUNLAPDA TUMANIMIZDAGI OFY VA MFYLAPDA FUQAPOLAP YIGʻINI PAISI (OQSOQOLI) SAYLOVI UYuShQOQLIK BILAN DAVOM ETMOQDA.
Koʻrsatilgan nomzodlarning oʻzlari yashayotgan hududlarni yaxshi bilishi, xalq tomonidan katta hurmat va eʼtiborga munosibligi saylov jarayonlarida yaqqol namoyon boʻlmoqda.

Shuni mamnuniyat bilan eʼtirof etish kerakki, boʻlib oʻtayotgan saylovlarda OFY va MFY raisligiga  nomzodlari qoʻyilgan ayol-qizlar ham muqobil nomzodlar orasida koʻp ovoz toʻplashga erishmoqdalar. Xususan, “Bogʻ” MFYda oʻtkazilgan saylovda Maqsuda Pahimova, Toshyop ovulida boʻlib oʻtgan saylovda Gulshod Sobirova, Bobur OFYda oʻtkazilgan saylovda Gulbahor Peyimova, Kuyukkoʻpir OFYda oʻtkazilgan fuqarolar yigʻini raisi (oqsoqoli) saylovida Tamara Karimovalar koʻp ovoz bilan yigʻin raisligiga saylandilar.
Yangiobod mahalla fuqarolar yigʻini raisligiga Zebo Pajabova qayta saylandi.

Bugun, 17-may kuni Qipchoq ovul fuqarolar yigʻinida boʻlib oʻtgan saylov ham oshkoralik va shaffoflik ruhida, saylovchilar vakillarining faolligida oʻtkazildi. Unda 265 nafar saylovchilar vakillaridan 254 nafari ishtirok etishdi. Belgilangan rejaga muvofiq yigʻin raisi (oqsoqoli) lavozimiga qoʻyilgan nomzodlar Satboy Nametov va Yuldashboy Norboyevlar haqida saylovchilarga batafsil maʼlumot berilib, nomzodlarning maʼruzalari tinglandi. Yakdillik va jipslik asosida oʻtgan saylovda 162 ta ovozga ega boʻlgan Satboy Nametov yigʻin oqsoqoli qilib saylandi.

Shu kuni Oʻzbekiston MFYda ham yigʻin raisi (oqsoqoli) saylovi boʻlib oʻtdi. Unda 270 nafar saylovchilar vakillaridan 261 nafari, yaʼni 97 foizi ishtirok etishdi. Oʻzini-oʻzi boshqarish organlarida yigʻin raisi (oqsoqoli) saylovi boʻyicha mavjud qonunchilikda belgilangan tamoyillar asosida tashkil etilgan saylovda saylovchilar vakillari ikki nomzod - Charshamboy Qurbonboyev hamda Lolagul Safarboyevalar nomzodlari uchun ovoz berdilar. Eng koʻp ovoz toʻplagan nomzod Charshamboy Qurbonboyev yigʻin oqsoqoli qilib saylandi.

Tumanimizda joriy yilning 17-may sanasigacha 37 ta OFY va MFYlarda fuqarolar yigʻini raisi (oqsoqoli) saylovi uyushqoqlik bilan jipslik asosida oʻtkazildi.

Pobiya YOʻLDOShEVA.