UMUMIY OʻPTA TAʼLIM MUASSASALAPINING OʻPNAK KOʻPSATGAN XODIMLAPINI MODDIY PAGʻBATLANTIPISh TIZIMI TAKOMILLAShTIPILADI

Shu yil 30-sentyabrda Oʻzbekiston Pespublikasi Vazirlar Mahkamasining “Umumiy oʻrta taʼlim muassasalarining oʻrnak koʻrsatgan xodimlarini moddiy ragʻbatlantirish tartibini takomillashtirish toʻgʻrisida”gi Qarori xalq taʼlimi tizimi xodimlarining ijtimoiy mavqei va nufuzini oshirish, oʻrnak koʻrsatgan xodimlari faoliyatining natijadorligiga  qarab, ularni ragʻbatlantirishning shaffof tizimini joriy etishni nazarda tutadi. Qarorga muvofiq qabul qilingan “Umumiy oʻrta taʼlim muassasalarining  oʻrnak koʻrsatgan xodimlarini ragʻbatlantirishning direktor jamgʻarmasini tashkil etish va uning mablagʻlaridan foydalanish tartibi toʻgʻrisida”gi Nizomda esa aynan ushbu vazifalarni amalga oshirish yoʻl-yoʻriqlari belgilab berilgan.

Endilikda har bir umumiy oʻrta taʼlim muassasalarida oʻrnak koʻrsatgan xodimlarini ragʻbatlantirishning direktor jamgʻarmasi tashkil etiladi. Bundan koʻzlangan maqsad umumtaʼlim muassasalarida oʻquv-tarbiya jarayonining samaradorligi va sifatini oshirishni ragʻbatlantirish, pedagog, psixolog, kutubxona xodimlariga oylik ustama belgilash, umumtaʼlim muassasalari xodimlarini mukofotlash va ularga moddiy yordam berish, pedagog xodimlarning kasb mahorati va malakasini oshirishini ragʻbatlantirishni kuchaytirishdan iboratdir.

Shuningdek, umumtaʼlim muassasalarining oʻrnak koʻrsatgan pedagog, psixolog va kutubxona xodimlarining (ular umumiy sonining koʻpi bilan 50 foizi) bazaviy tarif stavkasiga har oylik ustama belgilash yoʻli bilan ularni moddiy ragʻbatlantirishni amalga oshiradi.

Xalq taʼlimi tizimida amalga oshirilayotgan islohotlarning yana bir amaliy ifodasi boʻlgan “Umumiy oʻrta taʼlim muassasalarining  oʻrnak koʻrsatgan xodimlarini moddiy ragʻbatlantirish tartibini takomillashtirish toʻgʻrisida”gi Vazirlar Mahkamasining Qarori va unga muvofiq qabul qilingan “Umumiy oʻrta taʼlim muassasalarining oʻrnak koʻrsatgan xodimlarini ragʻbatlantirishning direktor jamgʻarmasini tashkil etish va uning mablagʻlaridan foydalanish tartibi toʻgʻrisida”gi Nizom kelgusida tumanimizda faoliyat koʻrsatayotgan umumiy oʻrta taʼlim muassasalari pedagog xodimlarini yanada samarali mehnat qilishga undashi, shubhasiz. Qayerdaki kishining mehnati munosib baholansa, bu kelgusidagi ishlarga ragʻbat beradi, albatta.

Shu yil 14-oktyabr kuni tuman xalq taʼlimi boʻlimida ushbu Qaror va unga muvofiq qabul qilingan Nizom  mazmun-mohiyati targʻibotiga bagʻishlangan seminar boʻlib oʻtdi.

Tadbirga tuman Xalq taʼlimi boʻlimi mudiri oʻrinbosarlari, boʻlim uslubchilari, tumanda faoliyat koʻrsatayotgan umumiy oʻrta taʼlim muassasalari direktorlarining oʻquv ishlari boʻyicha oʻrinbosarlari qatnashdilar.

Seminarda tuman Xalq taʼlimi boʻlimi bosh inspektor uslubchisi Pavshan Xolmurodov  Oʻzbekiston Pespublikasi Vazirlar Mahkamasining  2019-yil 30-sentyabrda qabul qilgan “Umumiy oʻrta taʼlim muassasalarining oʻrnak koʻrsatgan xodimlarini  moddiy ragʻbatlantirish tartibini takomillashtirish toʻgʻrisida”gi Qarori va unga muvofiq qabul qilingan “Umumiy oʻrta taʼlim muassasalarining oʻrnak koʻrsatgan xodimlarini ragʻbatlantirishning direktor jamgʻarmasini tashkil etish va uning mablagʻlaridan foydalanish tartibi toʻgʻrisida”gi Nizomga muvofiq amalga oshirilishi lozim boʻlgan vazifalar toʻgʻrisida maʼruza qildi va bu boradagi mazkur Nizomda belgilangan tartib-taomillarga keng toʻxtaldi.

Kun tartibidagi masala yuzasidan seminar ishtirokchilarining ham fikrlari tinglandi.

Seminar mehnatda oʻrnak koʻrsatgan pedagog xodimlarni ragʻbatlantirishni kuchaytirishga hukumatimiz tomonidan ulkan eʼtibor qaratilayotganini, bu boradagi yangi tartib-taomillarni keng targʻib qilgani bilan ahamiyatli boʻldi.

O.PAJABOVA.