Fan oyligi – izlanuvchanlikka chorlaydi
Umumtaʼlim maktablarida mana bir necha yillardan buyon har bir oʻquv predmeti boʻyicha fan oyliklari oʻtkazib kelinmoqda. Bundan dars va darsdan tashqari oʻtkaziladigan tadbirlarni taʼlim-tarbiyadagi ahamiyati, oʻquvchilarni mazkur fanga boʻlgan qiziqishlarini oshirish, bilim samaradorligini koʻtarish, hozirgi zamon fan va texnikasi yutuqlari bilan doimo tanishtirib borish kabi maqsadlar koʻzlanadi.
Fan oyliklari davomida oʻqituvchi va oʻquvchining ijodiy hamkorligi targʻib etiladi, fan boʻyicha oʻquv-metodik ishlar jonlantirilib, oʻqituvchilar ijodiy faoliyatlari kuchaytiriladi. Izlanuvchan, ijodkor oʻqituvchilarni aniqlanadi va ularning tajribalarini oʻrganilib, targʻibot qilinadi, taʼlim jarayonida qoʻllayotgan uslublari takomillashtiriladi.
Fan oyligi taʼlim muassasalaridagi oʻquv-tarbiya jarayonining zamonaviy talablar darajasida boʻlishini taʼminlash, fan oʻqituvchilarining pedagogik mahoratini oshirish, ularning ijodiy izlanishlari va mehnatlarini roʻyobga chiqarish omili hamdir.
31-sonli umumiy oʻrta taʼlim maktabida mazkur oy davomida matematika va informatika fanlari oyligiga bagʻishlangan tadbirlar qizgʻin tarzda oʻtkazilmoqda.
Maktabda samarali faoliyat yuritib kelayotgan matematika fanidan 6 nafar, informatika fanidan 2 nafar pedagog-oʻqituvchilar fan oyligi davomida faollik koʻrsatdilar. Shuningdek, matematika fani xonasi zarur koʻrgazmali-didaktik materiallar bilan jihozlandi, ota-onalar bilan maktabning hamkorligini jonlantirish, ularni fandagi yangiliklar, taʼlim tizimidagi oʻzgarishlar, oʻquvchilarning oʻzlashtirish va bilim samaradorligi koʻrsatkichlari bilan tanishtirish kabilarga qaratilgan qator ishlar amalga oshirildi. Oʻquvchilarning fanga boʻlgan qiziqishlarini yanada orttirish maqsadida dars jarayonida AKT ni va innovatsion pedtexnologiyalarni qoʻllab ochiq darslar oʻtkazildi. Ayniqsa, fanga oid devoriy gazetalar chiqarilib, unda qiziqarli maʼlumotlar, internet sahifalaridan olingan fan yangiliklari yoritilib borilgani oʻquvchi va oʻqituvchilarga juda manzur boʻldi.
Matematika fan oyligida oʻquvchilar bilan sinfdan tashqari vaqtda ularning olgan bilim, koʻnikma va malakalarini mustahkamlash, fanga boʻlgan qiziqishlarini oshirish maqsadida, boshlangʻich sinflarda “Matematika – fanlar shohi”, 5-sinflar orasida “Kasrlarning sehrli olami”, 6-sinflararo “Matematika va arifmetika”, 7-sinflarda “Quvnoq matematika” kabi qiziqarli mavzularda tadbirlar oʻtkazildi.
Fan oyligi davomida oʻtkazilgan barcha tadbirlar, oʻquvchilardagi ijodiy qobiliyatni rivojlantirish, bilimlarini yanada oshirishda katta ahamiyat kasb etadi.
Nilufar Masharipova,
31-sonli maktabning 1-toifali
matematika fani oʻqituvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
