MAKTAB VA ShINAM SINFLARDAGI OʻQUV DAVRINI SOGʻINDIK
Tojdor virus – bugun bu mavzu bilan bogʻliq voqea-jarayonlar, yangilik-xabarlar insoniyatning kundalik hayotiga aylandi. Afsuski, pandemiya zararlaridan bizning mamlakatimiz ham yiroq emas. 2020-yil dunyo tarixida sinovli davr sifatida qoladi. Yana shuni aytishim kerakki, nazarimda, 2020-yil matonatimizni, Vatanimizga, xalqimizga boʻlgan sadoqatimizni koʻrsatishga imkon yaratdi.
Barchamizga maʼlum, oʻtgan oʻquv yilini onlayn tarzda yakunladik. OAV da olib borilgan masofaviy darslar oʻquvchilarimizning bilimga chanqoqligini, oʻqituvchilarimizning jonkuyarligini namoyon qildi. Zero, bu ishlarning zamirida yurtboshimizning otalarcha gʻamxoʻrligi, eʼtibori bor.
Biz oʻqituvchilar masofadan turib, oʻquvchilarimizga ijtimoiy tarmoqlar orqali onlayn turda dars mashgʻulotlarini olib bordik. Rosti, ish faoliyatimizga kutilmaganda kirib kelgan dars oʻtishning bunday yangicha usuli hech birimizni sarosimaga solmadi. Aksincha, maʼsofaviy taʼlim turli xil axborot va kommunikatsiya texnologiyalaridan keng foydalanish imkonini yaratdi hamda sohadagilarning, yaʼni taʼlim beruvchi va oluvchilarning tezkor axborot almashinuviga moslashishini taʼminladi.
Karantin davridagi masofaviy taʼlim jarayonlari davomida internet tarmoqlarining, OAVning yurtimizda ham shu darajada rivojlanganligidan quvondim.
Fursat kelganida hozirgi davr qahramonlari – shifokorlarimizga minnatdorchilik bildirishni oʻrinli deb bilaman. Aziz haloskorlarimiz, kasbingizga sadoqatingiz uchun rahmat.
"Koronavirusga qarshi kurashishdagi oʻziga xos "jang maydoni"da tibbiyot xodimlari birinchi zarbani qabul qilmoqdalar. Dunyo boʻylab, xususan, mamlakatimizda shifokorlarning oʻz kasbiga sadoqati, xalqimiz, ota-onalarimiz, farzandlarimiz sogʻligi yoʻlida tunu-kun qilayotgan mehnati barchamiz uchun jasorat namunasi boʻlmoqda" - deb muhtaram Prezidentimiz Shavkat Mirziyoyev haq gapni aytgan edi.
Mana yangi oʻquv yili boshlanishiga ham oz qoldi. Barcha yurtdoshlarimiz qatori men ham butun dunyoda, mamlakatimizda koronavirus pandemiyasi tugatilib, oʻquvchilarim, hamkasblarim bilan sogʻ-salomat koʻrishishimizga va shinam, chiroyli sinfxonalarda oʻquvchilarimiz bilan yuzma-yuz dars oʻtishimizga umidimiz va ishonchimiz katta.
Sarviniso Rajabova, 55-sonli maktab oʻqituvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
