Tumanimizning bilimdon qizlari
Mamlakatimizda mustaqil, ijodiy fikrlovchi shaxslardan iborat barkamol avlod tarbiyasiga alohida eʼtibor qaratilmoqda va uning ustuvor vazifalar sirasiga kiritilganligi bejiz emas albatta.
Bugungi kunda mamlakatimiz oʻquvchi-yoshlari oldida katta bir sinov - "Bilimlar bellashuvi”ning respublika bosqichi oʻtkazilishi arafasidamiz. Bu bellashuvning Qoraqalpogʻiston Respublikasi bosqichida tumanimiz umumtaʼlim maktablaridan 3 nafar qizimiz gʻoliblikni qoʻlga kiritganligi hammaga maʼlum. Ayni kunda ular qizgʻin tayyorgarlik koʻrib kelishmoqda.
Tumanimizdan "Bilimlar bellashuvi”ning 3-bosqichida gʻolib boʻlib, Qoraqalpogʻiston Respublikasi terma jamoasi tarkibidan oʻrin olgan 16-sonli maktabning 7-sinf oʻquvchisi Yusupova Qunduz Hilolovna va 8-sinf oʻquvchisi Tirkasheva Nasiba Erkinboy qizi hamda 55-sonli maktabning 8-sinf oʻquvchisi Rajabboyeva Sohiba Dilmurod qizi Qoraqalpogʻiston Respublikasi bosqichida faxrli oʻrinlarni egallab kelishiga ushbu maktablarda dars berayotgan fidoyi oʻqituvchilarning uzluksiz va samarali mehnati asosiy omil boʻlib xizmat qildi.
Ushbu masʼuliyatli va sharafli bellashuvning Respublika bosqichida tumanimiz hamda Qoraqalpogʻiston Respublikasi nomidan qatnashayotgan qizlarimizga tumanimiz ziyolilari nomidan omad yor boʻlsin, deymiz va bilimdon qizlarimizga oq yoʻl tilab qolamiz. Ularning nafaqat Respublikamiz, balki jahon miqyosidagi bellashuvlarda ham qatnashib, yuksak marralarni zabt etishiga ishonch bildiramiz.
Ravshan XOLMURODOV,
Davlat taʼlim standartlariga rioya etish monitoringini metodik taʼminlash kichik guruhi rahbari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
