“IJTIMOIY HIMOYa YaGONA REYeSTRI” ORQALI IJTIMOIY NAFAQA VA MODDIY YoRDAM TAYINLASh BOʻYIChA OʻZGARIShLAR KIRITILDI

Bugungi kunda ikki yoshga bola parvarishi boʻyicha 14 yoshgacha bolali oilalarga  nafaqa va kam taminlangan oilalarga moddiy yordam tayinlash Vazirlar Mahkamasining 2021-yil 5-martdagi “Aholini Ijtimoiy himoya qilish tizimini yanada takomillashtirish  hamda sohaga zamonaviy axborot kommunikatsiya texnologiyalarini keng joriy etish chora-tadbirlari toʻgʻrisidagi 122-sonli Qarori bilan tasdiqlangan” kam taʼminlangan oilalarni “Ijtimoiy himoya Yagona reyestri” Axborot tizimi orqali aniqlash va ularga ijtimoiy nafaqa va moddiy yordam tayinlash va toʻlash toʻgʻrisida”gi qarori asosida amalga oshiriladi.

Oʻzbekiston Respublikasi fuqarolari, Oʻzbekistonda doimiy yashab kelayotgan chet el fuqarolari va fuqaroligi boʻlmagan shaxslar, nafaqalar va moddiy yordam tayinlash uchun ariza bilan murojaat etishi mumkin. Arizalar har oyning 16 sanasiga qadar fuqarolarning doimiy yashash manzili yoki vaqtinchalik yashash manzili boʻyicha oʻzini-oʻzi boshqarish organlariga taqdim etiladi va tegishli hujjatlar ilova qilinadi.

Fuqarolarning oʻzini-oʻzi boshqarish organlari ushbu hujjatlarni oyning 19-sanasigacha Pensiya jamgʻarmasi tuman boʻlimiga taqdim qilish kerak.

Bolali oilalarga nafaqa, bola parvarishi boʻyicha nafaqa yoki moddiy yordam tayinlashda tartibga koʻra oila aʼzolarining barcha rasmiy daromadlari, shuningdek, oilaning har bir aʼzosiga toʻgʻri keladigan bir oylik oʻrtacha jami daromadning hisob-kitobi, oila aʼzosi nomida mavjud boʻlgan koʻchmas mol-mulki va avtotransport vositalari toʻgʻrisida maʼlumotlari ariza berilgan oydan keyingi oyning 1-sanasiga qadar «Yagona reyestr» AT tomonidan avtomatlashtirilgan tarzda idoralararo elektron oʻzaro hamkorlikni qoʻllagan holda jamlanadi va hisob-kitob qilinadi.

Oilani kam taʼminlangan oila deb eʼtirof etish va unga bolali oilalarga nafaqa, bola parvarishi boʻyicha nafaqa, moddiy yordam tayinlash yoki tayinlashni rad etish «Yagona reyestr» AT tomonidan avtomatlashtirilgan tarzda amalga oshiriladi.

Quyidagi holatlar mavjud boʻlganda, oilani kam taʼminlangan oila deb eʼtirof etish va unga tegishli ravishda bolali oilalarga nafaqa, bola parvarishi boʻyicha nafaqa yoki moddiy yordam tayinlash rad etiladi:

a) ariza beruvchi oilasining har bir aʼzosiga toʻgʻri keladigan bir oylik oʻrtacha jami daromad ushbu Nizomda belgilangan mezondan oshganda;

b) idoralararo elektron axborot tizimi orqali olingan maʼlumotlar boʻyicha koʻchmas mulk obʼektlariga boʻlgan huquqlarning davlat reyestrida ariza beruvchi va uning oila aʼzolarida jami bittadan ortiq koʻchmas mulki yoki bir va undan ortiq noturar joy binolari mavjud boʻlganda;

v) ariza beruvchi yoki uning oila aʼzolarida qonun hujjatlarida belgilangan tartibda oʻz nomiga rasmiylashtirilgan yoki bosh ishonchnoma asosida foydalanilayotgan, ishlab chiqarilgan muddati 7-yildan oshmagan, texnik holati soz boʻlgan avtotransport vositasi mavjud boʻlganda; jami ikki va undan ortiq, texnik holati soz boʻlgan avtotransport vositalari mavjud boʻlganda;

g) ariza beruvchi va uning oila aʼzolarining tijorat banklaridagi depozit hisobvaraqlarida ariza bergan oyda mehnatga haq toʻlashning eng kam miqdorining besh baravari va undan ortiq miqdorda mablagʻlari mavjud boʻlganda;

d) ariza beruvchi va uning oila aʼzolarida ariza bergan oyda mehnatga haq toʻlashning eng kam miqdorining besh baravari va undan ortiq miqdorda bozor qiymatidagi qimmatli qogʻozlari mavjud boʻlganda;

ye) Oʻzbekiston Respublikasi Mudofaa vazirligi, Ichki ishlar vazirligi, Favqulodda vaziyatlar vazirligi, Oʻzbekiston Respublikasi Prezidenti Davlat xavfsizlik xizmati, Milliy gvardiya, Davlat xavfsizlik xizmati, Davlat bojxona qoʻmitasi, Mudofaa sanoati davlat qoʻmitasi hamda ularning tizimidagi tashkilotlarning xizmatchilari va xodimlari yoki ularning oila aʼzolari tomonidan arizalar taqdim etilganda moddiy yordam tayinlanmaydi.

Shuningdek, bolali oilalarga nafaqa, bola parvarishi boʻyicha nafaqa yoki moddiy yordam oluvchi va uning oila aʼzosi tomonidan belgilangan tartibga rioya qilmagan holda takroriy ariza taqdim etilganda ham nafaqa tayinlash rad etiladi. Bunda takroran taqdim etilgan ariza «Yagona reyestr» ATga kiritilgandan soʻng, ariza koʻrib chiqilmasdan, arizachiga rad javobi arizada koʻrsatilgan elektron manzilga yoki SMS-xabarlar orqali mobil telefon raqamiga joʻnatiladi.

Oilada mehnat organlari tomonidan tayinlangan ishsizlik nafaqasini olayotgan aʼzolari mavjud boʻlganda, oilada oxirgi 12 oy davomida ish qidirayotgan aʼzosi mehnat organlarining maqbul keladigan ishga doir takliflarini muntazam ravishda rad etganda, daromadlarning rasmiy manbalariga ega boʻlmagan va oxirgi olti oy mobaynida ish izlab, mehnat organlariga murojaat qilmagan hamda mehnat organlarida hisobda turmagan, oʻzini oʻzi band qilgan shaxslar roʻyxatiga kiritilmagan yoki haq toʻlanadigan jamoat ishlari ishtirokchisi hisoblanmagan oilaning mehnatga layoqatli aʼzosi mavjud boʻlganda ham nafaqa tayinlanmaydi.

Ushbu bandda koʻrsatilgan mezonlar asosida bolali oilalarga nafaqa, bola parvarishi boʻyicha nafaqa yoki moddiy yordam tayinlash rad etilganda, ariza beruvchiga xabar «Yagona reyestr» AT orqali rad etish sabablari koʻrsatilgan holda elektron shaklda arizada koʻrsatilgan elektron manziliga yoki SMS-xabarlar orqali mobil telefon raqamiga yuboriladi.

S.Kamiljanov, tuman Byudjetdan tashqari Pensiya jamgʻarmasi Yagona reyestr shoʻʼbasi rahbari.