AXBOROT-KUTUBXONA MARKAZI – YoShLARNING SEVIMLI MASKANI
Kitob – bilim bulogʻi. U inson tafakkurini boyitib, dunyoqarashini kengaytiradi. Ayniqsa, yosh avlod tarbiyasida, maʼnaviyatini boyitishda, komil insonlar boʻlib voyaga yetishida kitoblarning oʻrni, ahamiyati beqiyos.
Tumandagi Axborot-kutubxona markazining bugungi umumiy kitob jamgʻarmasi 63 106 taga yetkazildi. Foydalanuvchilarimiz 4521 nafarni tashkil etadi. Markaz xodimlari tomonidan kitobxonlar safini kengaytirish maqsadida taʼlim maskanlarida, ovul va mahallalarda muntazam ravishda targʻibot tadbirlari olib boriladi.
Axborot-kutubxona markazimiz onlayn rejimda ham ishlashni boshladi. Masofadan xizmat koʻrsatish maqsadida tashkil etilgan telegram kanalida foydalanuvchilarga badiiy va turli xil sohalarga yoʻnaltirilgan adabiyotlar taqdim qilinib, muntazam ravishda onlayn tanlovlar tashkil etilmoqda. Telegram kanalimizda PDF, APK, audio formatidagi kitoblar, onlayn mutolaa uchun havolalar, gazetalar, muhim sanalarga oid maʼlumotlar taqdim etilishi yoʻlga qoʻyilgan.
Badiiy adabiyotlardan tashqari, fanga doir entsiklopediyalar, ilmiy va boshqa turdagi kitoblar mavjud. Yosh kitobxonlar safini kengaytirish maqsadida markaz tomonidan taʼlim muassasalarida turli mavzularda davra suhbatlari, insholar tanlovlari, “Yosh kitobxonlar” klubi aʼzolari bilan birgalikda taniqli shoir, yozuvchilar hayoti va ijodiga bagʻishlangan maʼnaviy-maʼrifiy tadbirlar oʻtkazilib kelinmoqda. Chekka hududlardagi aholi, ayniqsa, 17-30 yoshgacha boʻlgan uyushmagan yoshlarni kitobxonlikka jalb qilish maqsadida koʻchma-kutubxonalar tashkil etilmoqda. Bularning natijasida yosh kitobxonlar safi tobora kengayib bormoqda.
D.Urazakov, tuman Axborot-kutubxona markazi direktori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
