Tumanimizda kuz-qish mavsumiga tayyorgarlik ishlari olib borilmoqda

Hozirda butun mamlakatimiz boʻylab hududlarda ijtimoiy soha obektlarini kuz-qish mavsumiga tayyorlash ishlari amalga oshirilmoqda. Kommunal sohaga dahldor xizmatlarning ish sifati va samaradorligini oshirish boʻyicha zarur choralar koʻrilmoqda. Xususan, aholini energiya resurslari bilan uzluksiz taʼminlash yoʻnalishida samarali ishlar tashkil etilmoqda. Shu bilan birga, kamchiliklar aniqlangan binolarni taʼmirlash boʻyicha qator ishlar olib borilmoqda.

Amudaryo tumanida ham 2021-2022-yillarda ijtimoiy soha obʼektlarining kuz-qish mavsumiga tayyorgarligi boʻyicha tizimli ishlar yoʻlga qoʻyildi. Xususan, tumanda mavsumga tayyorgarlik yuzasidan joriy yilgi investittsiya dasturlari asosida 35-sonli maktab binosini rekonstruktsiya qilish ishlari amalga oshirilmoqda.

“Obod qishloq” va “Obod mahalla” dasturlari doirasida 2-sonli va 63-sonli maktab binolarini rekonstruktsiya qilish, 85-sonli maktab binosini taʼmirlash, 43-sonli maktab va 72-sonli maktab filiali binolarini mukammal taʼmirlash ishlari sifatli amalga oshirilmoqda. Shuningdek, 28-sonli maktab binosini taʼmirlash ishlari toʻliq yakunlanib, 21-sonli musiqa maktabini joriy taʼmirlash ishlari olib borilmoqda. Saylov uchastkalari joylashgan maktablarda ham mavjud kamchiliklar bartaraf etilmoqda.

Qolaversa, tumandagi maktabgacha taʼlim tashkilotlarida ham kuz-qish mavsumiga tayyorgarlik boʻyicha qator ishlar qilinmoqda. Taʼlim-tarbiya maskanlari binolaridagi kamchiliklar aniqlanib, ularni bartaraf qilish choralari koʻrilmoqda. Jumladan, investitsiya dasturi doirasida 21-sonli MTT binosini rekonstruktsiya qilish ishlari bajarilmoqda. “Obod qishloq” va “Obod mahalla” dasturlari doirasida 45-sonli MTT binosini rekonstruktsiya qilish ishlari amalga oshirilmoqda. Mahalliy byudjet mablagʻlari xisobidan 23-sonli MTT binosini joriy taʼmirlash ishlari amalga oshirilib, xozirda ishlar toʻliq yakunlandi.

Shu bilan birga, tumandagi koʻp qavatli turar joylar binolari ham mavsumga tayyorlanmoqda. Xususan, Gulzor mahallasi Nabi Raxmimov koʻchasida 2 ta va Farovon mahallasi Navbahor koʻchasida 1 ta, jami 3 ta koʻp qavatli uy-joylarning tom qismida mukammal taʼmirlash ishlari amalga oshirilmoqda.  

2021-2022-yillar kuz-qish mavsumiga tayyorgarlik koʻrish maqsadida aholini hamda ijtimoiy soha obʼektlarini koʻmir bilan taʼminlash ishlari ham oʻz nihoyasiga yetkazildi. Xususan, aholi xonadonlariga 9963 tonna, tuman Xalq taʼlimi boʻlimiga 1675 tonna, tuman maktabgacha taʼlim boʻlimiga 525 tonna, sogʻliqni saqlash tashkilotlariga 260 tonna, 1-sonli kasb-hunar maktabiga 56 tonna, tuman Madaniyat boʻlimiga 72 tonna koʻmir mahsulotlari yetkazib berildi.

Taʼkidlash kerakki, mamlakatda koronavirus bilan bogʻliq vaziyat tobora jiddiy tus olayotgani, kuz-qish mavsumida shamollash va unga yondosh kasalliklarning koʻpayishini inobatga olib, aholini issiqlik energiyasi bilan taʼminlash, binolarni mavsumga tayyorlash ishlariga alohida eʼtibor qaratilmoqda.

Bu borada amalga oshirilayotgan samarali ishlardan aholiga qulay turmush sharoitlarini yaratish hamda joriy yilgi kuz-qish mavsumini betalofat oʻtkazish maqsadi koʻzlangan.

Tuman hokimligining Axborot xizmati.