TUMAN HOKIMI SULTONBOY YOʻLDAShEVGA “QORAQALPOGʻISTON XALQ TAʼLIMI AʼLOChISI” KOʻKRAK NIShONI TOPShIRILDI
Mamlakatimizda soʻnggi yillarda taʼlim-tarbiya tizimini rivojlantirish davlat siyosati darajasiga koʻtarilib, farzandlarimizning jahon andozalariga mos sharoitlarda zamonaviy bilim va kasb-hunarlarni egallashlari, jismoniy va maʼnaviy jihatdan yetuk insonlar boʻlib voyaga yetishlarini taʼminlash, ularning qobiliyat va isteʼdodi, intellektual salohiyatini roʻyobga chiqarish borasida tizimli ishlar amalga oshirilmoqda. Taʼlim sohasi rivoji yoʻlida olib borilayotgan bu kabi islohotlar oʻz samarasini bermoqda. Umumtaʼlim maktablari bitiruvchilarining oliy taʼlimga qamrov koʻrsatkichining tobora ortib borayotgani fikrimizning isbotidir.
Amudaryo tumanida 2020-2021 oʻquv yilida umumtaʼlim maktablari bitiruvchilarining oliy taʼlim muassasalariga oʻqishga kirish koʻrsatkichi yanada oshdi. Bunga esa, albatta, taʼlim sohasi rivoji borasidagi islohotlar ijrosini taʼminlash, taʼlim beruvchi va taʼlim oluvchilar uchun barcha imkoniyatlar hamda sharoitlarning yaratilishi, umumtaʼlim maktablarida taʼlim sifati va samaradorligi oshirilishi natijasida erishildi.
Ustoz va murabbiylar bayrami arafasida Qoraqalpogʻiston Respublikasi Xalq taʼlimi vaziri Rustam Reimov hamda Oʻzbekiston Respublikasi Milliy gvardiyasi Qoraqalpogʻiston Respublikasi boshqarmasi boshligʻi Muxtor Yusupovlar tumanimizga tashrif buyurdilar. Tashrif chogʻida masʼullar Qizilcholi ovulida joylashgan 9-sonli maktabdagi, yaʼni Muxtor Yusupov oʻqigan taʼlim maskanidagi ustozlar hamda oʻquvchilar bilan uchrashdilar.
Uchrashuvda Rustam Reimov soʻzga chiqib, Amudaryo tumanida taʼlim sohasi rivoji yoʻlida tizimli ishlar amalga oshirilayotganini eʼtirof etdi. Shu munosabat bilan hamda xalq taʼlimi sohasiga boʻlgan yuksak eʼtibori, sohani yanada taraqqiy ettirishga qoʻshgan beqiyos hissalari uchun tuman hokimi Sultonboy Yoʻldashevga “Qoraqalpogʻiston xalq taʼlimi aʼlochisi” koʻkrak nishonini topshirdi. Rustam Reimov maktab jamoasining kelgusidagi faoliyatida muvaffaqiyat tilab, bayram bilan muborakbod etdi hamda maktab kutubxonasiga turli adabiyotlar toʻplamini sovgʻa qildi.
Oʻzbekiston Respublikasi Milliy gvardiyasi Qoraqalpogʻiston Respublikasi boshqarmasi boshligʻi Muxtor Yusupov oʻzi oʻqigan maktabdagi ustoz va murabbiylarni kasb bayramlari bilan samimiy tabriklab, kelgusidagi ishlarida zafarlar tiladi. Muxtor Yusupov maktab oʻquvchilari bilan suhbatlashib, ularni ilm-fan sirlarini chuqur egallashga, kelgusida Vatan xizmatiga yaraydigan komil inson boʻlib yetishishga daʼvat qildi. Shuningdek, bayram munosabati bilan maktab kutubxonasi hamda oʻquvchilarga turli badiiy adabiyotlar sovgʻa qildi.
Shundan soʻng, masʼullar Muxtor Yusupovning birinchi ustozi, uzoq yillik tajribaga ega boʻlgan boshlangʻich sinf oʻqituvchisi Madrim Utegenovning xonadonida boʻldilar hamda ustozni bayram bilan tabrikladilar. Faxriy ustoz Madrim Utegenovning uzoq yillar davomida olib borgan samarali oʻqituvchilik faoliyati hamda taʼlim tizimini rivojlantirishga qoʻshib kelgan hissalari munosib ragʻbatlantirildi va unga Respublika Xalq taʼlimi vaziri Rustam Reimov “Qoraqalpogʻiston xalq taʼlimi aʼlochi” koʻkrak nishonini topshirdi.
El ardogʻidagi faxriy ustoz Madrim Utegenov bu kabi eʼtibor hamda ragʻbatdan juda minnatdor boʻldi. Shogirdlarining martabasi bundan ham ulugʻ boʻlishini, Vatan xizmati yoʻlidagi masʼuliyatli burchini bajarishda sabr va matonat hamda yangi zafarlar tiladi.
Tuman hokimligining Axborot xizmati.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
