TUMAN HOKIMI S.YOʻLDAShEV HAMDA HOKIMLIKNING BOLALARNI HIMOYa QILISh ShOʻʼBASI RAHBARI J.XOLMURODOVLARGA MINNATDORChILIK XATI TOPShIRILDI
Amudaryo tumanida Ichki ishlar boʻlimi tomonidan tegishli tashkilotlar bilan hamkorlikda qarovsiz va nazoratsiz yurgan, ijtimoiy ogʻir ahvolda qolgan voyaga yetmaganlarni aniqlash, yashash joylarini oʻrganish va ijtimoiy-huquqiy, psixologik yordamlar koʻrsatish borasida tegishli chora-tadbirlar amalga oshirilmoqda. Bu borada Vazirlar Mahkamasining 2021-yil 3-avgustdagi “Voyaga yetmaganlarga ijtimoiy huquqiy yordam koʻrsatishni yanada takomillashtirish chora-tadbirlari toʻgʻrisida”gi qarori muhim ahamiyat kasb etmoqda.
Yaqinda Bolalar masalalari boʻyicha Amudaryo tumani Komissiyasi tomonidan shu yilning noyabr oyida Tosh yop ovulida va Navoiy nomli mahallada yashovchi 2 nafar voyaga yetmagan, qarovsiz qolgan yoshlar borligi aniqlanib, tegishli qarorlar chiqarildi. Mazkur qarorlar asosida ularga nisbatan tegishli choralar koʻrilib, huquqbuzarlik va jinoyat sodir etilishining hamda ularning qarovsiz, nazoratsiz qolib ketishining oldi olindi.
Komissiya qarorini chiqarishda hamda ushbu qarorni amaliyotga joriy qilishda tuman hokimi, Bolalar masalalari boʻyicha Amudaryo tumani Komissiyasi raisi Sultonboy Yoʻldashev hamda tuman hokimligining Bolalarni himoya qilish shoʻʼbasi rahbari Jahongir Xolmurodovlar huquqiy bilimi, yuksak malakasi bilan shaxsiy namuna koʻrsatdi.
Bu boradagi Vazirlar Mahkamasi qarorining ijrosini taʼminlashda yaqindan koʻmak bergan tuman hokimi, Bolalar masalalari boʻyicha Amudaryo tumani Komissiyasi raisi Sultonboy Yoʻldashev hamda tuman hokimligining Bolalarni himoya qilish shoʻʼbasi rahbari Jahongir Xolmurodovlarga tuman Ichki ishlar boʻlimi boshligʻi Ulugʻbek Xudoyberganov minnatdorchilik xatini topshirdi.
Ulugʻbek Yoʻldoshev, tuman IIB voyaga yetmaganlar masalalari boʻyicha katta inspektor-psixologi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
