YoShLARGA YaRATILGAN IMKONIYaT yangi rejalarga yoʻl ochadi
Kasbning yaxshi-yomoni boʻlmaydi, deyishadi. Aslida ham odam egallagan kasbida qunt bilan ishlasa, eʼzozlasa, elaro obroʻ-eʼtibor topadi.
Men yurtdoshlarimiz uchun eng kerakli – tikuvchilik kasbini tanladim. Amudaryo agrobiznes kasb-hunar kollejida tikuvchilik yoʻnalishi boʻyicha tahsil oldim. Dars mashgʻulotlaridan olgan bilimlarimizni amaliy mashgʻulotlarda mustahkamlab bordik.
Shuni quvonch bilan aytgim keladiki, bizning mamlakatimizda oʻsib kelayotgan yosh avlodga taʼlim-tarbiya berib, kasb-hunarli qilish bilan ham chegaralanmay, kelgusida munosib mehnat faoliyatini boshlab olishiga ham gʻamxoʻrlik qilinadi. Natijada kasb-hunar taʼlimi bitiruvchilari oʻzlari egallagan mutaxassisliklari, kasb-hunarlari boʻyicha ishga joylashish imkoniga ega boʻlmoqda.
Men kasb-hunar taʼlimini tugallash oldidan oʻzim kabi yoshlarga yaratilgan imkoniyatlardan foydalanib, 5 mln. soʻm miqdorida imtiyozli kredit olib, tikuvchilik tsexini ochishga harakat qildim.
Ayni kunda ish boshlash arafasidaman. Oʻzim kabi tikuvchilika ixlos qoʻygan 3 nafar qizni ish bilan taʼminlayman.
Libos – inson koʻrki. Yurtdoshlarimizga milliyligimizga xos bejirim liboslar tikib, xizmat qilish niyatim bor. Chunki kasb-hunar insonni kamolotga eltadi.
Nodira OTAJONOVA,
Amudaryo agrobiznes kasb-hunar kolleji bitiruvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
