“AYoLLAR DAFTARI” BILAN IShLASh TIZIMINING 3-BOSQIChIDA AMALGA OShIRILADIGAN IShLAR BOʻYIChA SEMINAR BOʻLIB OʻTDI
Oʻzbekiston Respublikasi Prezidenti Shavkat Mirziyoyev rahbarligida mamlakatimiz hayotining turli jabhalarida xotin-qizlarni qoʻllab-quvvatlash, “Ayollar daftari” bilan ishlash tizimini yanada takomillashtirish borasida koʻplab chora-tadbirlar amalga oshirilmoqda.
Joriy yilning 7-yanvar kuni Amudaryo tumani hokimligining katta majlislar zalida “Ayollar daftari” bilan ishlash tiziminig 3-bosqichida amalga oshiriladigan ishlar” mavzusida seminar tashkil etildi.
Seminarni Oʻzbekiston kasaba uyushmalari Federatsiyasi raisi oʻrinbosari, senator Ulugʻbek Jalmenov, Federatsiyaning Qoraqalpogʻiston Respublikasi Kengashi yetakchi mutaxassisi Maxset Purxanov, boʻlim mudiri Gulnara Ilmuradova va boshqalar ishtirok etdilar.
Shuningdek seminarda Amudaryo tumanidan saylangan Joʻqorgʻi Kenes deputatlari, Xalq deputatlari tuman Kengashi deputatlari, tuman Mahalla va oilani qoʻllab-quvvatlash boʻlimining masʼul xodimlari, Mahalla raislari, Mahalla fuqarolar yigʻinlarining xotin-qizlar masalalari boʻyicha mutaxassislari ishtirok etishdi.
Yigʻilishda joriy yilda “Ayollar daftari” bilan ishlash tizimining yangicha yoʻnalishlari haqida maʼlumot berib oʻtildi. Shuningdek, “Ayollar daftari” bilan ishlash tizimining 3-bosqichini tashkil etish boʻyicha Respublika komissiyasi qarori keng turda tushuntirildi.
Seminarda qayd etilishicha, hududlarda davlat va jamoat tashkilotlari xodimlaridan iborat ishchi guruh tuzilib, ular tomonidan xonadonma-xonadon yurib, anketa toʻldirish orqali ayol-qizlarning muammolari oʻrganiladi. Bunda bironta ham ijtimoiy himoyaga muhtoj ayol-qiz eʼtibordan chetda qolib ketmasligi taʼminlanadi.
“Temir daftar”ga kiritilgan oilalardagi xotin-qizlar va farzandi “Yoshlar daftari”ga kiritilgan ayollar “Ayollar daftari”ga kiritilmaydi. Ilgari “Ayollar daftari”ning 1-, va 2-bosqichlarida 1-toifaga kiritilgan hamda doimiy ish oʻrni bilan taʼminlangan ayol-qizlar ham 3-bosqich toifasiga kiritilmaydi.
Ishchi gurux tomonidan honadonlarda oʻrganish ishlari olib borilayotganda boqimandalik holati vujudga kelmasligiga alohida ahamiyat berilib, taʼsirchan tavsiya va usullarni qoʻllash va bunda nuroniylar koʻmagidan foydalanish lozimligi qayd etib oʻtildi.
Seminarda taʼkidlanishicha, “Ayollar daftari”ning 3-bosqich toifalariga daromad manbaiga ega boʻlmagan, tadbirkorlik qilish istagida boʻlgan, boquvchisini yoʻqotgan, I va II guruh nogironligi bor, uy-joyga muhtoj va qaramogʻida nogiron farzandi bor ayol-qizlar kiritilishi belgilangan. Sektor rahbarlari, mutasaddi vazirlik va idoralar tomonidan hududlarga biriktirilgan masʼullar 2022-yil 5-yanvardan 31-yanvargacha xonadonma-xonadon yurish orqali xotin-qizlar muammolarini oʻrganishlari va 10-fevralgacha 3-bosqichga kiruvchi xotin-qizlar roʻyxatini shakillantirishlari lozimligi, 15-fevraldan boshlab esa, 3-bosqich boʻyicha amaliy yordamlar berish choralari boshlanishi lozimligi taʼkidlandi.
Seminar davomida qatnashuvchilar taklif va fikr-mulohazalarini bildirib, oʻzlarini qiziqtirgan savollarga tegishlicha javoblar olishdi.
Kelajak avlodni dunyoga keltiruvchi har bir ayol-qiz eʼtiborga va gʻamxoʻrllikka loyiq. Ularni hayotimizning turli jabhalarida qoʻllab-quvvatlash, hayotda oʻz oʻrnini topishlari uchun yordam berish esa mamlakatimiz taraqqiyoti uchun muhim ahamiyat kasb etadi.
F. Eshimbetova
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
