KELAJAK EGALARI KAMOL TOPAYoTGAN MASKAN

Bizning 43-sonli maktabgacha tarbiya muassasamizda ilk guruhda 40 nafar, oʻrta guruhda 25 nafar, katta guruhda 40 nafar, tayyorlov guruhida esa 25 nafar, jami 130 nafar kichkintoylarga bugungi kun talablari darajasida taʼlim-tarbiya berilmoqda.

Malakali tarbiyachilarimiz bolajonlarning muassasadagi oʻtgan har bir daqiqasi mazmunli, taassurotlarga boy va esda qolarli boʻlishiga intiladilar, har bir daqiqadan ularga oʻzaro doʻstlik, yuksak odob-axloq, bir-biriga mehr-oqibat tuygʻularini singdirishda unumli foydalanadilar.

Aytaylik kundalik sport mashqlarini bajarishda, yugurish yo sakrashda moʻljalni aniq ololmay qolgan bolakay yiqilsa, tarbiyachi albatta boshqa bolalar bilan unga yordamga shoshadi. Demak bu bilan bolalar qalbida bir-birovga birodarlik, mehr-oqibat tuygʻulari shakllantiriladi. Oddiygina bolalarning ovqatlanish onlarini olsangiz, stolda toʻgʻri oʻtirib, ovqatini toʻkmay yegan bolani yaxshi soʻzlar bilan ragʻbatlantirish orqali ularda ovqatlanish odobini tarbiyalash mumkin.

Keyingi yillarda maktabgacha taʼlim muassasalari faoliyatiga yangi ped texnologiyalarning joriy etilayotgani, iqtidorli bolalardan ingliz tilini oʻrganuvchi maxsus guruhlar tuzilib, ilk saboqlarni berish amalga oshirilayotgani kichkintoylarning shiddatkor zamonamizga mos boʻlib ulgʻayishiga zamin yaratmoqda.

Bu vazifalarni ado etish uchun xodimlarimiz tinmay oʻqib-oʻrganib, oʻz ustlarida izlanmoqdalar.

Ayni kunda muassasamizda asosiy tarbiyaviy soatlardan tashqari bolajonlarning iqtidorlarini tarbiyalab borish maqsadida badiiy gimnastika, raqs, kurash toʻgaraklari muntazam ishlab turibdi.

Bolalarga yilning barcha fasllarida ham emin-erkin tarbiyalanishlariga sharoit yaratish maqsadida bu yil muassasamizda 36 mln. soʻmlik joriy taʼmirlash ishlari bajarildi.

Yaqinda kuzgi-qishki mavsumga va yangi oʻquv yiliga tayyorgarlik boʻyicha muassasamizda tuman boʻyicha koʻrgazma oʻtkazildi. Bizning amalga oshirgan ishlarimiz tumanimizdagi barcha maktabgacha taʼlim muassasalariga namuna qilib koʻrsatildi.

Shunisi quvonchliki, muassasamizda tarbiyalanayotgan bolajonlarimiz orasida iqtidorlilari koʻpchilikni tashkil etadi. Badiiy havaskorlik toʻgaragi aʼzolari tuman miqyosida oʻtkaziladigan barcha tadbirlarda oʻzlarining chi-qishlari bilan koʻpchilikning hurmatini qozonmoqda.

Bolajonlar bilan ishlash, ularni oʻz bolangday asrab-avaylab tarbiyalash – mashaqqatli ish. Biroq ularning aqlli, odob-li va iqtidorli boʻlib voyaga yetayotganini koʻrish – ulkan baxt. Bu tuygʻular bizni doimo sid-qidildan mehnat qilishga chorlab turadi.

Manzura JUMANIYaZOVA,

43-sonli maktabgacha tarbiya muassasasi mudirasi.