“VATANPARVAR” TAShKILOTIDA HARBIY-VATANPARVARLIK MUSOBAQALARI OʻTKAZILDI

Oʻzbekiston Respublikasi Prezidentining 2021-yil 22-noyabrdagi “Oʻzbekiston Respublikasi Qurolli kuchlari tashkil etilganligining 30 yilligi hamda Vatan himoyachilari kunini nishonlashga tayyorgarlik koʻrish va uni oʻtkazish chora tadbirlari toʻgʻrisida”gi Farmoyishiga muvofiq shu yilning 7-14-yanvar kunlari davomida davlat va xoʻjalik boshqaruvi organlarinng markaziy apparatlari hamda jamoat tashkilotlarida “Vatanimga tayanchman” mavzusida vatanparvarlik soati oʻtkazildi.

Joriy yilning 13-yanvar kuni Amudaryo tumani oʻquv-sport texnika klubida haydovchilik yoʻnalishida kasb oʻrganayotgan oʻquvchi-yoshlar oʻrtasida “Vatanimga tayanchman” mavzusida sport musobaqasi oʻtkazildi.

“Vatanparvar” tashkiloti 1991-yil 23-noyabr kuni tashkil topgan va tashkilotning toʻliq nomi Oʻzbekiston mudofaasiga koʻmaklashuvchi “Vatanparvar” tashkiloti deya nomlangan. Tashkilotning maqsadi Oʻzbekiston Qurolli Kuchlarining mudofaa qudratini mustahkamlashga koʻmaklashish, yoshlarni harbiy vatabparvarlik ruhida tarbiyalash ishlarida koʻmaklashishdan iborat. “Vatanparvar” tashkilotida “B” hamda “BC” toifalar boʻyicha mutaxassislar tayyorlanadi hamda 2021-yildan boshlab, 30 soatlik dastur boʻyicha haydovchilarni qayta tayyorlash ishlari olib boriladi.

Mazkur tashkilotda Amudaryo tuman sport texnika klubida 30 soatlik dastur boʻyicha yuridik shaxslarning avtotarnsport vositalari haydovchilari malaksini oshirish va qayta tayyorlash ishlari amalga oshiraladi. Shuningdek, tashkilot tomonidan yoshlarni harbiy-vatanparvarlik ruhida tarbiyalash maqsadida tuman hokimiyati, Yoshlar agentligi tuman boʻlimi va hamkor tashkilotlar bilan birgalikda “Shunkorlar” harbiy-spot musobaqasi muntazam oʻtkazilib kelinmoqda. Bundan tashqari, boshlangʻich tashkilotlar oʻrtasida havo miltigʻida oʻq otish boʻyicha ham musobaqalar oʻtkazilib kelinmoqda. Shuningdek, maktablar oʻrtasida oʻtkazilayotgan tuman birinchiliklarida gʻolib boʻlganlar Respublika bosqichida ham qatnashib keldilar.

2021-yil davomida tashkilot sportchi yoshlari Chirchiq shahrida oʻtkazilgan musobaqada qatnashib, faxrli oʻrinni egalladilar. Bundan tashqari, 2021-yil 17-20-iyun kunlari Moʻynoq tumanida oʻtkazilgan “Moʻynoq avtoralli – 2021” ochiq chempionatida faxrli birinchi oʻrinni egalladilar hamda Prezident sovgʻasi “Neksiya-3” avtomobilini qoʻlga kiritishdi.

Yosh sportchilarning chidamlilik, chaqqonlik, jismoniy yetuklik bilan birga tezkorligini ham talab etuvchi mazkur musobaqada gʻoliblik uchun kurash olib bordi.

Murosasiz va qiziqarli oʻtgan bellashuvning yakuniy natijalariga koʻra musobaqa gʻoliblariga Amudaryo oʻquv-sport texnika klubi tomonidan qimmatbaho sovgʻalar va diplomlar topshirildi.

Sevara Ismoilova, QDU jurnalistika fakultetining 3-kurs talabasi.